Գլխավոր դատախազի խորհրդականը՝ Գագիկ Ծառուկյանի խափանման միջոցի վերաբերյալ վերաքննիչ դատարանի որոշման մասին

Գլխավոր դատախազի խորհրդական Գոռ Աբրահամյանը ֆեյսբուքյան իր էջում անդրադարձել է ԲՀԿ ղեկավար Գագիկ Ծառուկյանի խափանման միջոցի վերաբերյալ վերաքննիչ դատարանի որոշմանը․ «Այսպիսով՝ ՀՀ վերաքննիչ դատարանն արդեն երկրորդ անգամ անընդունելի է համարում քրեական գործով մեղադրյալ Գ. Ծառուկյանի խափանման միջոցի վերաբերյալ նրա պաշտպանական թիմի ներկայացրած փաստարկները: Փաստորեն, արդեն երրորդ անգամ դատարանները վերահաստատում են նախաքննության մարմնի և դատախազության իրավական դիրքորոշումներն ինչպես կալանավորման պայմանների, այնպես էլ հիմքերի առկայության և բավարարության վերաբերյալ:

Հարկ չեմ համարում դրանց անդրադառնալ, որովհետև բազմիցս առիթ ունեցել ենք մանրամասն ներկայացնելու:

Մեր երկրի շուրջ տեղի ունեցող պատմական իրադարձությունների ֆոնին, այս գրառումն անում եմ դրա մանրությունը գիտակցելով հանդերձ, սակայն ստիպված, քանի որ այդ նույն իրադարձությունները չխանգարեցին Գ. Ծառուկյանի պաշտպաններին դռնփակ դատական նիստից հետո մամուլի ներկայացուցիչների հետ ճեպազրույցի ընթացքում, կրկին շահարկումների առարկա դարձնել բազմիցս քննարկված և դատարանների կողմից գնահատականների արժանացած հանգամանքները՝ նախկինում հարցի կապակցությամբ կայացված դատական ակտերից հանված առանձին ձևակերպումներ հատվածական, սուբյեկտիվ մեկնաբանությունների ենթարկելու, իրենց փաստարկներին դատախազների կողմից իբրև թե չպատասխանելու մասին անհիմն պնդումներով:

Մնում ենք այն համոզման, որ այս գործը, դրան առնչություն ունեցող անձանց քրեական հետապնդմանը, խափանման միջոցներին վերաբերող հացրերի քննարկումն ու լուծումը գտնվում են բացառապես քրեադատավարական տիրույթում և պետք է մնան այդ տիրույթում:

Ուստի ևս մեկ անգամ մեր գործընկերներին հորդորում եմ մնալ այդ դաշտում և հատկապես ներկայիս իրողությունների պայմաններում խուսափել նման հարցերն անհարկի քաղաքակացնելու և հանրային կարծիքը զոնդաժի ենթարկելու գայթակղությունից»:

Այս թեմայով Մեզ անհրաժեշտ է ներքին հաշտություն ու համահայկական բոլոր ռեսուրսների համախմբում. Գագիկ Ծառուկյան «Շոգելու ենք»․ Գագիկ Սուրենյան Վայոց ձորում իրանական համարանիշերով բեռնատարը կողաշրջվել է «Համոզված եղեք՝ խոշտանգումը նկարահանել են, որ տանեն, իրենց գլխավոր ստահակը հաճույք ստանա դրանից». Գագիկ Համբարձումյան Սաղ բանակը Մելքոնյան Գագոն ա թալանել. քաղաքացի (տեսանյութ) Դուբայում, որտեղ անձրևը մեծ շռայլություն է, այսօր խոշոր ջրհեղեղ է դիտվել. Սուրենյան (տեսանյութ) Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել Ծառուկյանը խոսել է սադրիչ երկրպագուի մասին, որին հարվածել էր մարտից առաջ (տեսանյութ) Էրդողանը հրահանգել է Նիկոլին «ապացուցել», որ հայերի ցեղասպանություն չի եղել. Գագիկ Համբարյան Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար