Օրեցօր ավելացող հիվանդացության դեպքերը փաստում են, որ այն ոչ մի կերպ չի նահանջել․ ԱՆ

Վերջին օրերին համայն հայության ողջ ուշադրությունը սևեռված է Ադրբեջանի կողմից սանձազերծված լայնածավալ պատերազմի հետևանքով ստեղծված իրավիճակին: Կենաց-մահու կռիվ է, և այս համատեքստում մյուս խնդիրները մղվում են հետին պլան: Սակայն պետք է ողջամիտ լինել և չթուլանալ:

Ինչպես հաղորդում են ՀՀ առողջապահության նախարարությունից, այս օրհասական պահին խիստ կարևոր է չկորցնել զգոնությունը, անտարբերության չմատնել դեռևս աշխարհում, այդ թվում` Հայաստանում COVID-19-ով պայմանավորված համաճարակային իրավիճակը: Օրեցօր ավելացող հիվանդացության դեպքերը փաստում են, որ այն ոչ մի կերպ չի նահանջել, ավելին` Հայաստանի ողջ տարածքում վերջին օրերին դիտվում է կորոնավիրուսային հիվանդության նկատելի աճ` պատերազմի պայմաններում ավելացնելով առողջապահական համակարգի ծանրաբեռնվածությունը և, ցավոք սրտի, խլում կյանքեր:

Սիրելի՛ ժողովուրդ, անգամ այս լարվածության մեջ անհրաժեշտ է խստիվ պահպանել հակահամաճարակային կանոնները: Կրկին ու կրկին կոչ ենք անում լինել ավելի զգոն, շարունակել կրել դիմակ, պահպանել սոցիալական հեռավորությունն ու ձեռքերի հիգիենան: Հարկ է հիշեցնել, որ ինչպես համաճարակի ողջ ընթացքում, այնպես էլ հիմա, առավել քան կարևոր է մեր քաղաքացիների առողջությունն ու մարտունակությունը:

Եվս մեկ անգամ հորդորում ենք ցանկացած իրավիճակում լինել հետևողական, պահպանել հակահամաճարակային կանոններն՝ այն գիտակցումով, որ կարող ենք կանխել հիվանդության տարածումը, ինչն առողջ և ամուր կպահի մեր թիկունքը:

Այս թեմայով «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Մեր զորքը նահանջել է մեր դիրքերից. Բագրատ Սրբազան Նոր-Զովք սուպերմարկետի շուրջ աղմկահարույց դեպքերը շարունակվում են Հայաստանում մայրական մահացության դեպքերը նախորդ տարի նվազել են Հայաստանում նկատվում է քութեշով պայմանավորված հիվանդացության ակտիվություն Մեզ վրա ոչ մեկ էլ չի ծիծաղում, նույն կերպ մենք էլ շատերի վրա ենք ծիծաղում. Դավոյանը՝ Նազարյանին Կարծում եմ՝ արժի էդ դեպքերը լուսաբանել․ Փաշինյանը՝ ԼՂ-ից բռնի տեղահանվածների բնակեցման ծրագրի մասին Բացառել դեպքերը, երբ խոշոր կազմակերպությունները տրոհում են իրենց բիզնեսը հարկային օգուտներ, առավելություններ ստանալու նպատակով. նախագիծ. «Փաստ» Օդի տուրքը միայն Հայաստանում չէ, տարբեր երկրներում այս կամ այն կերպ կիրառվում են. ՏԿԵՆ փոխնախարար 2023-ին Երևանում հանցագործությունների դեպքերը նվազել են 1373-ով. ամփոփում