Կոշտ արձագանք՝ Բաքվի ահաբեկչական գործողություններին

Երեկ ադրբեջանական զինված ուժերը թիրախային հրթիռային երկու հարված են հասցրել հայկական ճարտարապետության պատմական խորհրդանիշներից մեկին՝ Արցախի (Լեռնային Ղարաբաղի) Շուշի քաղաքի կենտրոնում գտնվող Սուրբ Ամենափրկիչ Ղազանչեցոց Մայր տաճարին: Հրթիռային առաջին հարվածից քիչ անց Ադրբեջանի զինված ուժերը Շուշիի Մայր տաճարին հասցրել են երկրորդ թիրախային հարվածը: Հարվածների արդյունքում տաճարին պատճառվել է մեծ ավերվածություն: 

Առաջին հրթիռի հարվածի պահին Մայր տաճարի նկուղում են գտնվել միայն երեխաներ, կանայք ու տարեցներ: Քանի որ առաջին ու երկրորդ հրթիռային հարվածների միջև ժամանակային ընդմիջումը եղել է չափազանց կարճ՝ երկրորդ հրթիռային հարվածի պահին երեխաների, կանանց ու տարեցների մի մասը դեռ եղել է տաճարի նկուղում: 

Իհարկե, աշխարհը այս քայլը անպատասխան չի թողել: Մասնավորապես՝ ԱՄՆ միջազգային կրոնական ազատությունների գծով հանձնաժողովը իր խորը մտահոգությունն է հայտնել սուրբ Ղազանչեցոց եկեղեցու վրա Ադրբեջանի զինված ուժերի հարձակման կապակցությամբ: Հանձնաժողովը կոչ է արել պահպանել կրական և մշակութային արժեք հանդիսացող ժառանգությունը՝ հատկապես բռնության էսկալացիայի այս փուլում: 

Մայր Աթոռը կոչ է արել եկեղեցիների հովվապետերին, միջազգային հանրությանը և կազմակերպություններին, միջեկեղեցական ու միջկրոնական կառույցներին՝ վճռական ձայն բարձրացնելու հանուն արյունահեղության կասեցման, Արցախի ժողովրդի ազատ ու անկախ կյանքի իրավունքի պաշտպանության, հոգևոր-մշակութային պահպանման։ 

Եվրոպական Եկեղեցիների Համագումարի Գլխավոր քարտուղար Յորգեն Սկով Սորենսենն ուղերձ է հղել Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսին արցախա-ադրբեջանական շփման գծում ծավալված ռազմական գործողությունների առնչությամբ՝ նշելով, որ Եվրոպական եկեղեցիները խորապես ցավում են առկա հակամարտության կապակցությամբ և աղոթում երկու հարևան երկրների միջև ծագած խնդրի արագ և վերջնական լուծման համար: 

Հասկանալի է, որ հարվածելով սրբատեղին՝ Ադրբեջանը մեկ նպատակ էր հետապնդում՝ հոգեբանական հարված հասցնել հայ ժողովրդին և կոնֆլիկտին տալ կրոնական երանգ` սադրելով հայկական կողմին գնալ նմանատիպ քայլերի: Սակայն, հայկական զինված ուժերը երբեք չեն թիրախավորել և չեն թիրախավորում հակառակորդի սրբատեղիները, մշակութային կենտրոնները, քանի որ հայկական զինված ուժերի խնդիրը մեկն է՝ ապահովել արցախի բնակչության խաղաղ գոյությունը իր պատմական հայրենիքում: 

Այս թեմայով Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանցիները քանդել են Շուշիի Ղազանչեցոց տաճարի խաչաձև լուսամուտն և պատկերաքանդակը Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Սերբիայի նախագահը զանգահարել է Ալիևին և աջակցություն խնդրել Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Չի կարող 7-րդ դարի եկեղեցի լինի և 1մետր այն կողմ լինի Ադրբեջան (տեսանյութ)