Կաթնառատում հիվանդացության պատճառ դարձած ջրատարի ավազանի մաքրումն ու ախտահանումն ավարտվել է

 ՀՀ առողջապահական և աշխատանքի տեսչական մարմնի աշխատողները հարուցված վարչական վարույթի շրջանակում կատարել են երկրորդ աշխատանքային այցը Տաշիր համայնքի Կաթնառատ բնակավայր՝ ջրատարների՝ բարձրադիր վայրում գտնվող օրվա կարգավորիչ ջրավազանները զննելու նպատակով։

Ինչպես հայտնում են  ՀՀ առողջապահական և աշխատանքի տեսչական մարմնից, ուսումնասիրվել է Տաշիր խոշորացված համայնքի ղեկավարին ԱԱՏՄ ղեկավարի  հղած հանձնարարագրի համաձայն Կաթնառատ գյուղի ջրամատակարարումը դադարեցնելու եւ բնակչությանն անվտանգ ջուր ապահովելու ուղղությամբ ձեռնարկված միջոցառումների ընթացքը։

ԱԱՏՄ աշխատակիցները տեղում ծանոթացել են կատարված աշխատանքների ընթացքին, որի շրջանակում արդեն ավարտին են հասցվել նշված բնակավայրին խմելու ջուր մատակարարող Կաթնաղբյուրի ջրատարի օրվա կարգավորիչ ավազանի մաքրման եւ ախտահանման աշխատանքները։

«Ներկա պահին խմելու ջրի մատարարումը դադարեցված է գյուղում։ Այն կվերականգնվի ջրի լաբորատոր փորձաքննության արդյունքները ստանալուց հետո միայն, երբ վերջնականապես կբացառվեն ջրի որակի շեղումները»,- ասվում է հաղորդագրության մեջ։

ԱԱՏՄ ղեկավարի կարգադրագիրը ստանալուց հետո Տաշիր համայնքի ղեկավարությունն անհապաղ քայլեր է ձեռնարկել։
Ձեռնարկված քայլերի եւ ընթացիկ միջոցառումների մասին գրությամբ տեղեկացվել է նաեւ Լոռու մարզպետը։

Այս թեմայով Արտակարգ դեպք՝ Կոտայքում․ «շմոլ գազի թունավորում» ախտորոշմամբ հիվանդանոց է տեղափոխվել 5 քաղաքացի Կարմրուկը մանկական անվնաս հիվանդություն չէ․ ՀՀ ԱՆ-ն կոչ է անում պատվաստվել Կարմրուկի դեմ պատվաստանյութը չի առաջացնում հիվանդություն, թեև պարունակում է թուլացված վիրուս․ ՀՀ ԱՆ Կարմրուկը սուր վարակիչ հիվանդություն է, կանխարգելման ամենաարդյունավետ միջոցը պատվաստումն է. ԱՆ Արարատի ձկնաբուծարաններում ինֆեկցիոն հիվանդություն է հայտնաբերվել Արտակարգ դեպք՝ Երևանում. ընտանիքի 9 անդամներ, այդ թվում՝ երեխաներ, տեղափոխվել են հիվանդանոցներ Ստեփանավանում ընտանիքի 8 անդամներ «գազի թունավորում» ախտորոշմամբ տեղափոխվել են հիվանդանոց Սյունիքում «Էկզոգեն թունավորում» ախտորոշմամբ մայրն ու երկվորյակ քույրերը տեղափոխվել են հիվանդանոց Թունավորում` Ախթալայի ԼՀԿ-ի հանքում․ տուժածների վիճակը ծայրահեղ ծանր է. «Անկյուն+3» Վանաձորում մի ամբողջ ընտանիք «շմոլ գազից թունավորում» ախտորոշմամբ տեղափոխվել է հիվանդանոց