Միլանի ավագանին շտապ միջնորդություն է ներկայացրել Իտալիայի իշխանություններին Արցախը ճանաչելու համար

ԱԺ պատգամավոր Մարիա Կարապետյանը ֆեյսբուքյան իր էջում գրել է․ «Միլանի ավագանին ճանապարհ է հարթում։

Շտապ միջնորդություն Իտալիայի իշխանությունների կողմից Արցախի հանրապետության ճանաչման մասին

Հաշվի առնելով, որ․

Արդեն մի քանի շաբաթ է, որ Արցախի Հանրապետության (Լեռնային Ղարաբաղի) խաղաղ քաղաքացիական բնակչությունը և բոլոր հաստատությունները (ներառյալ հիվանդանոցները, դպրոցները, տները, քաղաքացիական պաշտպանության կենտրոնները) հրետակոծվում և ոչնչացվում են Ադրբեջանի զինված ուժերի հրթիռային հարձակումներից՝ թուրքական բանակի զինվորների հստակ և հրապարակային օգնությամբ, ինչպես նաև Սիրիայից Թուրքիայի տարածքով տարածաշրջան նպատակային բերված իսլամական ահաբեկիչների օգնությամբ:
Արցախի Հանրապետությունը (Լեռնային Ղարաբաղ) խորհրդանիշ է ամբողջ հայ ժողովրդի համար, որը ցրվել է աշխարհով մեկ՝ Օսմանյան Թուրքիայի կողմից իրականացված 20-րդ դարի առաջին Ցեղասպանության պատճառով:

Հնագույն հայկական քաղաքակրթությունը փոխանցվել է դարերով սեփական լեռներում: Պատմության տարբեր փուլերում մշակութային վերածննդի նախաձեռնություններ և ազգային ինքնավարության և միավորման շարժումներ են կյանքի կոչվել։

Արցախի Հանրապետությունը (Լեռնային Ղարաբաղը) արդեն մեկ դար է հավակնում է միանալ՝ սկզբում սովետական և արդեն երեսուն տարի ինքնիշխան Հայաստանին:

Եկել է պահը, որ աշխարհի երկրների արտաքին հարաբերությունների գերատեսչությունները պաշտոնապես ճանաչեն այս երկիրը, որն արդեն փաստացի հանրապետություն է, ունի ժողովրդավարական ճանապարհով իր ժողովրդի կողմից ընտրված պետական կառավարման համակարգը:

Իտալիայի հայազգի քաղաքացիները՝ միավորված Իտալիայի հայերի միության մեջ խնդրում են Իտալիայի իշխանություններին ճանաչել այս փոքր երկիրը, որպեսզի այն դառնա մեր կառավարության անմիջական և ինքնուրույն զրուցակիցը:

Այս գործողությամբ մենք ոչ միայն կօգնենք վերականգնել պատմական և արդի ճշմարտությունը, այլ նաև կօգնենք դադարեցնել ադրբեջանա-թուրքա-ահաբեկչական եռամիավորման կողմից իրականացվող լուրջ ռազմական հարձակումները, որոնք բազմաթիվ զոհերի և մեծ թվով վիրավորների պատճառ են դառնում խաղաղ բնակչության շրջանում և ոչնչացում ենթակառուցվածքներ:

Քաղաքային խորհուրդը հանձնարարում է․

Քաղաքապետին և քաղաքի գործադիր իշխանություններին խնդրել մեր ազգային իշխանություններին ճանաչել Արցախի Հանրապետությունը՝ որպես քաղաքակրթության ակտ, որը կարող է հանգեցնել ոչ միայն արդարության իրագործմանը, այլ վերջ դնել լռությանը, որը վաղուց դառնում է հանցագործության մեղսակցություն»:

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը ԵՄ–ի և Հայաստանի հարաբերություններն առանձնահատուկ դինամիկա են ապրում․ Իտալիայի ԱԳ փոխնախարար Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am