Երևան-Սևան ավտոճանապարհին 3 ավտոմեքենա է բախվել. կա վիրավոր
Чрезвычайный случайԿոտայքի մարզային ճգնաժամային կառավարման կենտրոնը հոկտեմբերի 19-ին, ժամը 19:47-ին ահազանգ է ստացել, որ Երևան-Սևան ավտոճանապարհի 37-րդ կմ-ին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, պարզվել է, որ բախվել են «Mercedes E220» (վարորդ՝ Վահան Մ․, ծնված 2002 թ․), «Lada Priora» (վարորդ՝ Վահագ Դ․, ծնված 1982 թ.) և «Mercedes C180» մակնիշների (վարորդ՝ Վրեժ Ս․, ծնված 1988 թ.) ավտոմեքենաները:
Մինչ փրկարարների՝ կանչի վայր հասնելը «Mercedes C180» մակնիշի ավտոմեքենայի ուղևոր Թադևոս Ս․-ն (ծնված 1964 թ.) տեղի ուժերով դուրս է բերվել ավտոմեքենայից և հոսպիտալացվել Հրազդան քաղաքի բժշկական կենտրոն, որտեղ բժիշկները տուժածի առողջական վիճակը գնահատել են կայուն:
Փրկարարները սահմանազատել են տարածքը, հոսանքազրկել են ավտոմեքենաները, փակել գազի բալոնների փականները: