Հրաժարվի՛ր զայրույթից, միացի՛ր մեզ․ Կիպրոսը, Հունաստանը և Եգիպտոսը Թուրքիային գործընկեր դառնալու առաջարկ են արել
ԱշխարհԿիպրոսի, Եգիպտոսի և Հունաստանի ղեկավարները չորեքշաբթի օրը նորից հրավեր են ուղարկել Թուրքիային՝ դառնալու գործընկեր օֆշորային գազի հանքավայրերի պոտենցիալը շահագործելու համար՝ միաժամանակ կոչ անելով Անկարային դադարեցնել «ագրեսիվ» գործողությունները Միջերկրական ծովի արևելքում, գրում է Associated Press-ը։
Կիպրոսում կայացած նրանց մեկօրյա տարածաշրջանային գագաթնաժողովը տեղի է ունեցել հարևանների և ՆԱՏՕ-ի դաշնակիցների` Հունաստանի և Թուրքիայի միջև ծովային սահմանների շուրջ բարձր լարվածության ֆոնին, երբ Անկարան ռազմական նավերի ուղեկցությամբ հետազոտական նավ է ուղարկել Հունաստանի կղզիներ, Թուրքիայի հարավային և Կիպրոսի վիճելի ջրերը: Թուրքիան նաև ուղարկել է հորատման նավեր, որտեղ, ըստ Կիպրոսն ունի բացառիկ տնտեսական իրավունքներ: Կիպրոսի նախագահ Նիկոս Անաստասիադեսի, Եգիպտոսի նախագահ Աբդել-Ֆաթթա էլ-Սիսսիի և Հունաստանի վարչապետ Կիրիակոս Միծոտակիսի բանակցությունները ներառում էին համագործակցություն` էներգետիկայից մինչև ահաբեկչության դեմ պայքարի ոլորտներում: Բոլոր երեք երկրները դատապարտել են Թուրքիայի բազմաթիվ «սադրանքները», որոնք, ըստ նրանց, կտրուկ սրել են լարվածությունը և սպառնում են տարածաշրջանային խաղաղությանը: