«Երևան իմ սեր» հիմնադրամը նոր ծրագիր է սկսել Արցախից տեղափոխված երեխաների համար

«Երևան իմ սեր» հիմնադրամն իր նոր նախաձեռնության շրջանակում հոգեբանական աջակցություն է տրամադրում Արցախում պատերազմական գործողությունների հետևանքով Հայաստան տեղափոխված երեխաներին:

Հիմնադրամը տեղեկացնում է, որ ռազմական գործողությունների տարածքում գտնվող երեխաներն առավել խոցելի են ու անպաշտպան, ուստի նրանց հոգեբանական աջակցության ցուցաբերումն այս օրերին ավելի քան կարևոր է դառնում:

«Երբ սկսվեցին ռազմական գործողությունները, տեղեկացանք, որ Արցախից զգալի թվով երեխաներ են Հայաստան տեղափոխվում մայրերի կամ խնամակալների հետ: Անմիջապես փորձեցինք հասկանալ, թե ինչպես է հնարավոր լավագույնս օգտագործել մեր ռեսուրսներն ու օգտակար լինել նրանց: Հասկանալով, որ երեխաների մոտ կարող են լինել վախի, տագնապի զգացումներ, որոշեցինք հատուկ եռօրյա ծրագիր մշակել, որի շնորհիվ մեր մասնագետները՝ հոգեբանները, երաժշտական և արտթերապիստները կօգնեն երեխաներին դուրս գալու ընկճված վիճակից»,- նշում է «Երևան իմ սեր» հիմնադրամի տնօրեն Հրայր Ղամբարյանը:

Ծրագրի մեկնարկը տրվել է հոկտեմբերի 9-ին: Առաջին փուլին մասնակցել է 4-16 տարեկան շուրջ 80 երեխա, որոնք բաժանվում են երեք տարիքային խմբերի:

Հրայր Ղամբարյանը ընդգծում է, որ ծրագրի իրականացման գործում իրենց աջակցում են նաև մեծ թվով կամավորներ: «Անհրաժեշտ է, որ հենց ամենասկզբից երեխաները ձերբազատվեն պատերազմական գործողությունների հետևանքով առաջացած սթրեսից, որպեսզի նրանց հետագա կյանքի վրա դա որևէ ազդեցություն, որևէ նստվածք չունենա»,- նշում է նա:

Թեպետ ծրագիրն ուղղված է եղել երեխաներին հոգեբանական աջակցություն տրամադրելուն, սակայն դրա առաջին օրերը ցույց են տվել, որ երեխաների ծնողները կամ խնամակալները ևս ունեն հոգեբանական աջակցության կարիք: Ելնելով դրա անհրաժեշտությունից, հիմնադրամի հոգեբանները աշխատանքներ են տանում նաև երեխաների ծնողների հետ:

«Երևան իմ սեր» հիմնադրամը երեխաների համար կազմակերպել է նաև երաժշտական ու թատերական միջոցառումներ: Ծրագրի հեղինակները նշում են, որ հիմնադրամի դռները բաց են պատերազմական գործողությունների հետևանքով հոգեբանական աջակցության կարիք ունեցող բոլոր երեխաների համար:

Այս թեմայով Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար Օկուպացված Քաշաթաղի շրջանում գտնվող Զորախաչ եկեղեցին՝ ադրբեջանական թիրախում Օկուպացված Արցախում բանվորներ տեղափոխող միկրոավտոբուս է շրջվել․ կա 9 վիրավոր