Դիակների ու ռազմագերիների հանդեպ անմարդկային վերաբերմունք է դրսևորվում. Արցախի ՄԻՊ

«Դիակների ու ռազմագերիների հանդեպ անմարդկային վերաբերմունքի, գլխատման, նաև ռազմագերիներին հանրային հետաքրքրության առարկա դարձնելու դեպքեր են եղել: Վերջին 2 օրում հրապարակված տեսանյութերից ակնհայտ է, որ նրանք ռազմագերիների հանդեպ կիրառում են ճնշման միջոցներ՝ ֆիզիկական և հոգեբանական, որպեսզի նրանց օգտագործեն ադրբեջանական քարոզչական թեզերը ներկայացնելու համատեքստում, ինչը միանշանակ անընդունելի է, կրկին խախտում է Ժնեւյան կոնվենցիայի, միջազգային մարդասիրական իրավունքի դրույթները»,- այս մասին այսօր՝ հոկտեմբերի 24-ին, լրագրողների հետ հանդիպման ժամանակ նշեց Արցախի մարդու իրավունքների պաշտպան Արտակ Բեգլարյանը՝ անդրադառնալով ադրբեջանական սոցիալական մեդիայում տարածվող տարբեր լուսանկարներին ու տեսանյութերին:

Արտակ Բեգլարյանի խոսքով՝ շատ կարևոր է, որ միջազգային հանրությունը պատշաճ ուշադրություն դարձնի այդ դեպքերին, որպեսզի կանխարգելի հետագա խախտումները, ինչպես նաև երաշխավորի ռազմագերիների իրավունքների պաշտպանությունը Ադրբեջանում, նաև բացառվեն ոտնձգությունները հայ զինծառայողների դիակների նկատմամբ:

Անդրադառնալով Ադրբեջանի կողմից արդեն 2 անգամ հրադադարի պայմանները խախտելուն, որի հետևանքով բազմաթիվ հայ ու ադրբեջանցի զինծառայողների դիակներ հնարավոր չի լինում մարտի դաշտից փոխանակել՝ ՄԻՊ-ը նշեց. «Սա անմարդկային վերաբերմունք է այդ դիակների հանդեպ, որի վերաբերյալ հետևություններ պետք է անենք և՛ մենք, և՛ միջազգային հանրությունը: Տպավորություն կա, որ Ադրբեջանը միտումնավոր չի համաձայնում մարդասիրական հրադադարի պահպանմանը, որովհետև ունի բազմաթիվ զոհեր և չի ցանկանում, որ նրանք հասնեն իրենց ընտանիքներին: Ադրբեջանը մտավախություն ունի, որ այդ հանգամանքը կարող է մեծ ռեզոնանս առաջացնել ադրբեջանական հասարակության մեջ»,- ասաց Արտակ Բեգլարյանը:

По теме Формула развития Армении с новой командой и с инновационными подходами. Артак Товмасян Артак Товмасян. Господа, пришло время пробуждения, объединитесь, действуйте ради государства!