Ռուբենն անմահացավ պատերազմի հենց առաջին օրը՝ հերթափոխի ժամանակ, երբ փոխարինում էր ընկերոջը

Ռուբեն Գալստյանը այն քաջ հայորդիներց է, որն անմահացավ հանուն հայրենիքի: 20 տարեկան էր, Շիրակի մարզի Ձորակապ համայնքից: Ավարտել էր Ձորակապի միջնակարգ դպրոցը ու միանգամից մեկնել ծառայության՝ մեծ սիրով ու հպարտությամբ, զորացրվելու էր հունվարին: 

«Շատ նպատակներ ուներ, շատ շնորհքով էր, փայտից սեղան ու աթոռ էր պատրաստում»,- ԼՈՒՐԵՐ.com-ի հետ զրույցում ասաց զոհված Ռուբեն Գալստյանի հորեղբոր աղջիկը՝ Կարինե Գալստյանը:

Ռուբենն ունի մեկ քույր ու եղբայր, որը շուտով զորակոչվելու է բանակ:

Քույրն ասում է՝ թեև հնարավորություն  ունեին այնպես անել, որ Ռուբենը Արցախում չծառայեր, բայց նրա կամքն է եղել:

«12 տարեկան էր, որ կորցրեց հորը: Շատ ընկերասեր, խելոք, ու ամաչկոտ էր Ռուբը, նույնիսկ, որ հարց էինք տալիս իրեն, կարմրում էր»,- վերհիշում է Կարինեն:

Զինվորական կյանքին սովորելն այդքան էլ հեշտ չէ, սակայն Ռուբենը շատ շուտ հարմարվեց, քանի որ բանակում ծանոթացել էր մի աղջկա հետ և սիրահարվել. «Ստեփանակերտում էր ծառայում Ռուբենը, այդ աղջկա՝ իր կյանքում հայտնվելը շատ բան փոխեց, նրա ներկայությունից իրեն լավ էր զգում»,- ասաց Ռուբենի հորեղբոր աղջիկը:

Ռուբենը հերոսաբար ընկել է պատերազմի հենց առաջին օրը՝ սեպտեմբերի 27-ին, նախորդ օրը վերջին անգամ խոսել է մայրիկի հետ, ասել, որ ամեն ինչ լավ է, բայց չի կարող խոսել: «Դեպքը տեղի է ունեցել հերթապահության ժամանակ, բայց իր հերթապահելու օրը չի եղել. փոխել էր ընկերոջ հետ»,- մեծ ցավով ասաց Կարինեն:

Արփինե Հակոբյան

Այս թեմայով «Զա՛րկ, երբ հալածում են քեզ». հրապարակում այրվեցին Թուրքիայի և Ադրբեջանի դրոշները (տեսանյութ) Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել