Աշխարհազորայիններին վճարվում է աշխատավարձ և պարգևատրում՝ աշխատավարձի 50 տոկոսի չափով. Նոր որոշում Արցախում

Արցախի կառավարությունը ընդունել է «Ռազմական դրության ժամանակահատվածում աշխատողների վարձատրության գործընթացի կանոնակարգման մասին» նոր որոշում: Որոշման մեջ մասնավորապես նշվում է.

«Հիմք ընդունելով «Ռազմական դրության իրավական ռեժիմի մասին» օրենքի

11-րդ հոդվածի 1-ին մասի 4-րդ կետը և ելնելով ռազմական դրության պայմաններում աշխատողների վարձատրության հետ կապված հարցերը կանոնակարգելու անհրաժեշտությունից՝ Արցախի Հանրապետության կառավարությունը որոշել է.

1. Սահմանել պետական կառավարման մարմինների, պետական կազմակերպությունների ու հիմնարկների աշխատողների՝ ռազմական դրության ժամանակահատվածում վարձատրության հետևյալ չափանիշները.

1) Արցախի Հանրապետության տարածքում գտնվող՝

ա. տվյալ ամսում աշխատած աշխատակիցներին վճարվում է աշխատավարձ՝ համաձայն հաստիքային ցուցակի: Դրանից բացի յուրաքանչյուր մարմնում ձևավորվող պարգևատրման ֆոնդից աշխատակցին վճարվում է նաև պարգևատրում՝ մարմնի ղեկավարի կողմից որոշված չափով:

Պարգևատրման ֆոնդի չափերն են տվյալ ամսում սույն ենթակետի համաձայն վճարվող աշխատավարձի ֆոնդի.

- առողջապահության համակարգում՝ 75 տոկոսը,

- ԱՀ ազգային անվտանգության ծառայությունում, ԱՀ ոստիկանությունում,

-ԱՀ արտակարգ իրավիճակների պետական ծառայությունում՝ 50 տոկոսը,

-մյուս մարմիններում՝ 25 տոկոսը:

բ. տվյալ ամսում չաշխատած աշխատակիցներին վճարվում է փոխհատուցում՝ հաստիքային ցուցակով սահմանված աշխատավարձի չափով,

գ. զորահավաքային զորակոչի միջոցով կամ կամավորական հիմունքներով զինվորական ծառայության անցած, ինչպես նաև աշխարհազորայիններին վճարվում է աշխատավարձ՝ ըստ հաստիքային ցուցակի, և պարգևատրում՝ աշխատավարձի

50 տոկոսի չափով:

2) Արցախի Հանրապետության Նախագահի 2020 թվականի հոկտեմբերի 14-ի

ՆՀ-465-Ն հրամանագրի համաձայն Արցախի Հանրապետության տարածքից դուրս եկած՝

ա. ծառայողական պարտականությունները կատարող աշխատակիցներին փաստացի աշխատած օրերի հաշվարկով վճարվում է աշխատավարձ՝ ըստ հաստիքային ցուցակի, իսկ չաշխատած օրերի համար վճարվում է սույն կետի

բ ենթակետում նշված փոխհատուցումը՝ չաշխատած օրերի համամասնությամբ.

բ. չաշխատած աշխատակիցներին վճարվում է 100 000 ՀՀ դրամի չափով փոխհատուցում (բժշկական համակարգի աշխատողներին վճարվում է 68 000 ՀՀ դրամի չափով փոխհատուցում), բացառությամբ այն աշխատակիցների, որոնց առձեռն ստացվող եկամուտը չի գերազանցում 100 000 ՀՀ դրամը: Վերջիններիս վճարվում է փոխհատուցում՝ հաստիքային ցուցակով սահմանված աշխատավարձի չափով:

3) Արցախի Հանրապետության տարածքից Արցախի Հանրապետության Նախագահի 2020 թվականի հոկտեմբերի 14-ի ՆՀ-465-Ն հրամանագրի խախտմամբ դուրս եկած, ինչպես նաև առանց մարմնի ղեկավարի համաձայնության Արցախի Հանրապետության տարածքից բացակայող արական սեռի աշխատողները չեն վարձատրվում»:

Այս թեմայով «Հրապարակ». Տիգրան Հակոբյանը 1 մլն 164 հազար դրամ աշխատավարձ կստանա Փաշինյանը 72.000 դրամանոց ցնցուղի համար պետական պարգևատրում է արել․ Չախոյան 91 մարզիկ՝ 2023 թվականի տարեվերջին ստացել է 1 մլն դրամից ավելի միանվագ պարգևատրում Որքան աշխատավարձ է առաջարկում Ռեալը Մբապեին Փակ աչքերով զինվորականի աշխատավարձ չենք ուզում բարձրացնել, դառը փորձ ունենք. Փաշինյան 75 000 դրամ ստացող մարդը սոցիալապես ավելի վատ վիճակում է, քան աշխատավարձ չստացողը. Պապոյան 2023 թ. հունվար-օգոստոսին Հայաստանում միջին ամսական անվանական աշխատավարձը կազմել է 262,957 դրամ 206 դատավորի աշխատավարձ շուրջ 60 տոկոսով կբարձրանա. Գրիգոր Մինասյան (տեսանյութ) Ատեստավորումն անցած մոտ 1560 ուսուցչի աշխատավարձ էականորեն բարձրացել է. Անդրեասյան ՀՀ-ում արդեն 30 ուսուցիչ ստանում է 400 000 դրամից ավելի աշխատավարձ. Փաշինյան