Հատուկ անակնկալ երկնքից. Քիմ Քարդաշյանը պատմել է ծննդյան օրվա առթիվ ամուսնու արած նվերի մասին
ՀասարակությունՀայկական ծագումով ամերիկացի հեռուստաաստղ Քիմ Քարդաշյանը ծննդյան օրվա առթիվ ամուսնուց անակնկալ նվեր է ստացել։ «Իմ ծննդյան օրվա առթիվ Քանյեն ինձ համար ձեռք է բերել կյանքում ամենալավ նվերը. հատուկ անակնկալ երկնքից՝ հայրիկիս հոլոգրամը: Այն այնքան կենդանի է, և մենք այն անընդհատ դիտում էինք՝ շատ արցունքներով և հույզերով: Ես նույնիսկ չեմ կարող նկարագրել, թե սա ինչ նշանակություն ունեցավ ինձ և իմ քույրերի, եղբորս, մայրիկիս և ամենամոտ ընկերների համար: Շատ շնորհակալ եմ այս հիշողության համար, Քանյե, որը կտևի մի ամբողջ կյանք»,- ֆեյսբուքյան իր էջում գրել է Քարդաշյանը։