«Չկարողացա անգամ որդուս հուղարկավորությանը մասնակցել... Ալբերտս կհասկանա ինձ»

Հակառակորդի դեմ ծավալված մարտերի ընթացքում հայրենիքի պաշտպանության համար ընկավ նաև մարտակերտցի Ալբերտ Յուրիի Քալաշյանը: ԼՈՒՐԵՐ.com-ի հետ զրույցում Ալբերտի մայրը՝ Արմիդա Գևորգյանը, կսկիծով պատմեց, որ որդու ձայնը վերջին անգամ լսել է հոկտեմբերի 26-ի գիշերը, արդեն հաջորդ օրը լուսանալուն պես ստացել է դաժան լուրը:

«Չգիտենք, թե դեպքը ինչպես է եղել, միայն գիտենք, որ վիճակը շատ ծանր է եղել, ամբողջ մարմինը ասկոլկա է եղել»,- ասաց հերոսի մայրը:

Մորը տանջում է այն միտքը, որ չի կարողացել նույնիսկ գնալ ու մասնակցել որդու հուղարկավորությանը. «Մեզ պատերազմի առաջին օրվանից տեղափոխել են Երևան: Այդ օրն էլ Ստեփանակերտը ռմբակոծության տակ էր, որդուս մարմինը Մարտակերտ էլ չեն կարողացել տանել, հուղարկավորել են Ստեփանակերտի եղբայրական գերեզմանոցում»,- պատմում է տիկին Արմիդան՝ հույս ունենալով, որ որդին անպայման կհասկանա իրեն: 

Թեև պատերազմական օրերին հաճախ չի խոսել հարազատների հետ, բայց երբ հաջողվել է զանգել, երբեք չի ասել, որ ինչ-որ բան այն չէ. «Շատ գաղտնապահ էր: Բոլորս էլ գիտեինք, թե ինչ իրավիճակ է սահմանին, բայց երբ խոսում էինք ասում էր՝ «մամ սուտ ա, ոչ մի լուրջ բան չկա, սաղ նորմալ ա, դուք ձեզս լավ նայեք»: Միշտ ծիծաղելով էր խոսում, հարցնում էր՝ ինչ նորություն կա, չեն ասում, երբ է ավարտվելու: Ուզում էր անընդհատ խոսեր, ես էլ իր իսկ անվտանգությունից ելնելով` չէի թողնում, հիմա փոշմանում եմ, թե ինչի չէի թողնում, մի քիչ ավել կլսեի որդուս ձայնը...»,- ցավով հիշում է Ալբերտի մայրը:

Ալբերտի 20-ամյակը սեպտեմբերի 30-ին էր լրացել, առաջնագծում: Ծառայում էր Մարտունիում, գնդի ավագ էր: Հունվարին էլ պարտադիր ծառայությունն էր ավարտելու, բայց մտադրություն ուներ մնալ բանակում, շարունակել ծառայել իր հայրենիքին: 

Ալբերտը Մարտակերտից էր, ունի 4 քույր, մեկ եղբայր, տան ավագ որդին էլ ինքն էր: Սովորում էր Քաջարանի քոլեջում: Ինչպես մայրն  է պատմում՝ թեև դպրոցում լավ չէր սովորում, բայց բոլորի կողմից հարգված ու սիրված էր իր համեստության շնորհիվ: 

Սոնա Հարությունյան

Այս թեմայով Արցախի հերոս Կարեն Ջալավյանը (Քյոխ) արդեն Գորիսում է Նիկո՛լ, երկիր ունեինք․ Արցախ չկա, թուրքը հային ձերբակալում ա, իսկ հայը՝ ուրախանում․ Մհեր Մկրտչյան Արցախից տեղահանվածներն այսուհետ Կոռնիձորի հումանիտար կայանում չեն հաշվառվի․ այն կանցնի Գորիսում Ադրբեջանը թույլ չի տալիս Արցախի թանգարանային ժառանգությունը տեղափոխել Հայաստան․ ահազանգ ԼՂ-ից Հայաստան է տեղափոխվել 349 բուժառու, ինչպես նաև 129 աճյուն Ժամը 18։00-ի դրությամբ Լեռնային Ղարաբաղից Հայաստան է տեղափոխվել է 53 629 անձ Ստեփանակերտում պայթյունի վայրից անձնական իրեր են հայտնաբերվել Սամանթա Փաուերը հանդիպել է Ալիևին Լեռնային Ղարաբաղից օդային ճանապարհով Հայաստան է տեղափոխվել 112 պացիենտ․ ՀՀ ԱՆ Արցախում մայրը սպասում է, թե երբ իր 2 երեխաների աճյունները ՀՀ կտեղափոխեն. BBC–ն զրուցել է փրկվածների հետ