Կմեկնե՞ն Մոսկվա, թե՞ ոչ...

Երեկ վարչապետ Նիկոլ Փաշինյանի խոսնակը տեղեկացրել էր, որ ՀՀ առաջին նախագահ Լևոն Տեր-Պետրոսյանն ու երկրորդ նախագահ Ռոբերտ Քոչարյանը ցանկանում են մեկնել Մոսկվա՝ ռուսական էլիտայի ներկայացուցիչների հետ ԼՂ շուրջ ստեղծված իրավիճակը քննարկելու համար: Սակայն, այս գրառմանը հետևեց Քոչարյանի գրասենյակի հայտարարությունը, ըստ որի՝ նրա մոտ ախտորոշվել է կորոնավիրուս, ուստի չի կարող մեկնել Մոսկվա: 

Իրադարձությունների այսպիսի զարգացումը հարց առաջացրեց՝ արդյո՞ք Լևոն Տեր-Պետրոսյանը միայնակ կմեկնի Մոսկվա, հնարավո՞ր է նրան միանա Սերժ Սարգսյանը: ԼՈՒՐԵՐ.com-ը ՀՀ 3-րդ Նախագահ Սերժ Սարգսյանի մամուլի խոսնակ Մերի Հարությունյանից փորձեց մեկնաբանություն ստանալ՝ արդյո՞ք Սարգսյանը առաջարկ ստացել կամ ներկայացրել է Մոսկվա մեկնելու համար, թե ոչ. «Հայաստանի և Արցախի նախկին նախագահների հանդիպմանը նախագահները նպատակահարմար են համարել և որոշում են կայացրել ձեզ հայտնի ձևաչափով մեկնելու մասին: Այլ մեկնաբանություններ այս հարցի վերաբերյալ չեմ կարող ներկայացնել»,- ասաց Սերժ Սարգսյանի մամուլի խոսնակը: 

Վերջինիցս հստակ պատասխան չստանալուց հետո, փորձեցինք նաև վարչապետի խոսնակ Մանե Գևորգյանից պարզել՝ արդյո՞ք Սերժ Սարգսյանը Մոսկա մեկնելու առաջարկ ներկայացրել է վարչապետին: «Չունեմ նման տեղեկություն»,- ասաց վարչապետի խոսնակը՝ ուղղորդելով դիմել Սերժ Սարգսյանի գրասենյակ, ինչն արդեն արել էինք: 

Ինչ վերաբերում է Լևոն Տեր-Պետրոսյանի Մոսկվա մեկնելուն, ապա նկատի ունենալով նրա կողմից քիչ առաջ տարածված հաղորդագրությունը՝ առաջին նախագահի մամուլի խոսնակ Արման Մուսինյանից հետաքրքրվեցինք՝  կարելի՞ է ենթադրել, որ Տեր-Պետրոսյանը չի մեկնելու Մոսկվա: Ի պատասխան մեր հարցի Մուսինյանն ասաց՝ ոչինչ ասել չի կարող։

Նշենք, որ Հայաստանի առաջին նախագահն, անդրադառնալով Ռուսաստանի նախագահին ուղղված վարչապետ Նիկոլ Փաշինյանի նամակին և Ռուսաստանի պատասխանին, մասնավորապես, գրել է. «Նիկոլը խնդրագիր է ուղարկել Վլադիմիր Պուտինին։ Պուտինը դրան պատասխանել է ՌԴ ԱԳՆ խողովակով։ Չե՞ք հասկանում, թե նա ինչ է ասել։ Եթե սա էլ չեք հասկանում, ապա վա՜յ մեզ։ Պուտինն ամենայն անկեղծությամբ ու պարկեշտությամբ ընդամենն ասել է․ Պարտավորված և պատրաստ եմ ապահովելու Հայաստանի լիակատար անվտանգությունը, բայց վերջապես հասկացե՛ք, ես Ղարաբաղի հարցը, ձեր փոխարեն, լուծողը չեմ»:

Այս թեմայով Տավուշում կատարվողը ստորություն է. Լևոն Քոչարյան (տեսանյութ) Ո՞նց թե՝ «պետք ա ուրախ լինենք՝ 50 մետրի վրա Ադրբեջանն ա», ամիսներ առաջ էթնիկ զտում էին անում. Լևոն Քոչարյան (տեսանյութ) Լևոն Տեր-Պետրոսյանն այսօր այցելել է բժշկական կենտրոն՝ պլանային հետազոտության Մագա Հարությունյանը և Սուրեն Փահլևանյանը պսակադրվել են (լուսանկարներ) Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է Երկրագունդը սկսում է ցնցվել գլոբալ տաքացման պատճառով․ Լևոն Ազիզյան Սոնա Ղազարյանը ելույթ է ունեցել ԵԽԽՎ նստաշրջանում Այս իշխանություններն այս տարիների ընթացքում ավելի շատ ապօրինություններ են արել, քան նախորդ 3-ը միասին. Քոչարյան (տեսանյութ) Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Հարցաքննված վկաները ցուցմունք են տվել Ջալալ Հարությունյանի դեմ. «Փաստինֆո»