Քանի՞ մանդատ կստանան կուսակցությունները Վրաստանի նոր խորհրդարանում

Վրաստանի Կենտրոնական ընտրական հանձնաժողովն ավարտել է ձայների հաշվարկը, հետևաբար՝ արդեն հայտնի է, թե համամասնական կարգով որ կուսակցությունը քանի մանդատ կստանա 10-րդ գումարման խորհրդարանում:  Այս մասին հայտնում է Ալիք Մեդիան։

Համամասնական կարգով ամենաշատ պատգամավոր խորհրդարանում կունենա «Վրացական երազանքը»: Իշխող կուսակցությունը կստանա 61 մանդատ: Երկրորդ տեղում «Ազգային շարժում-ուժը միասնության մեջ» դաշինքն է, որը խորհրդարանում կունենա 35 պատգամավոր:

Մնացած կուսակցությունների մանդատների թիվը հետևյալն է.
«Եվրոպական Վրաստան» — 5 մանդատ,
«Ստրատեգիա Աղմաշենեբելի» — 4 մանդատ,
«Լելո» — 4 մանդատ,
«Հայերնասերների դաշինք» — 4 մանդատ,
«Գիրչի» — 4 մանդատ,
«Քաղաքացիներ» — 2 մանդատ,
«Լեյբորիստական կուսակցություն» — 1 մանդատ:

«Վրացական երազանք» կուսակցությանն ավելանում են նաև մեծամասնական 14 պատգամավորները և ընդհանուր կազմում 75 պատգամավոր: Այսպիսով, մինչև 16 մեծամասնական շրջանների 2-րդ փուլը իշխող կուսակցությանը անհրաժեշտ է ընդամենը 1 մանդատ, որպեսզի վերջինս ինքնուրույն կառավարություն ձևավորի:

Հիշեցնենք՝ բացի «Վրացական երազանքից», մնացած 8 կուսակցությունները չեն ճանաչում ընտրության արդյունքները:

Վրաստանի ԿԸՀ-ի կողմից հաշվարկված բոլոր ընտրատեղամասերի նախնական տվյալներով՝ 30 մեծամասնական շրջաններից 16-ում կանցկացվի ընտրությունների 2-րդ փուլ: 16 մեծամասնական, այդ թվում Թբիլիսիի բոլոր 8 ընտրատարածքներում 2-րդ փուլը կանցկացվի նոյեմբերի 21-ին:

Այս թեմայով «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ Քանի քաղաքական ուժ և կազմակերպություն է սատարում Սամվել Վարդանյանին Վրաստանի խորհրդարանում նիստն ընթանում է աղմուկով ու վիճաբանություններով (տեսանյութ) Մի քանի հարյուր մետրի վրա կանգնած զինվորի նկատմամբ իշխանության վերաբերմունքը արտահայտվում է ճառերով. Տիգրան Աբրահամյան Հայաստանում արտադրված մի քանի զինատեսակներ ներքին փորձարկումներ են անցել Արա՜, դուք վայելեք, քանի դեռ ձեզ ընդամենը վիժվածք են անվանում. փաստաբան Ծեծկռտուք Վրաստանի խորհրդարանում՝ օտարերկրյա գործակալների մասին օրենքի քննարկման ժամանակ (տեսանյութ) Մի քանի զինատեսակի ներքին փորձարկումներ են իրականացվել, որոնք կկիրառվեն ՀՀ ԶՈւ-ում Հայտնաբերվել է 36 կգ ոսկի ու մի քանի մլրդ դրամ գողություն կատարող կասկածյալներից մեկը Վարչապետն ընդունել է Վրաստանի արդարադատության նախարարին