ՀՀ-ում արցախցիներին նպաստներ նշանակելու դիմումները կընդունվեն նաև էլեկտրոնային եղանակով

Արցախից ժամանակավորապես Հայաստան տեղափոխված քաղաքացիները, Արցախի Հանրապետության օրենսդրությամբ սահմանված պետական նպաստ և երեխայի ծննդյան միանվագ նպաստ նշանակելու դիմումը կարող են ներկայացնել էլեկտրոնային եղանակով։ Այս մասին տեղեկացնում է ՀՀ աշխատանքի և սոցիալական հարցերի նախարարության տեղեկատվության և հասարակայնության հետ կապերի բաժինը: Անհրաժեշտ է համապատասխան փաստաթղթերի էլեկտրոնային լուսապատճենները ուղարկել [email protected] էլեկտրոնային փոստին՝ նշելով ծնողի անուն-ազգանունը, անձը հաստատող փաստաթղթի սերիան ու համարը, հետադարձ կապի հեռախոսահամարը, երեխայի կարգավիճակը, որից կախված նշանակվում է նպաստը՝ համաձայն ԱՀ կառավարության 2019թ. ապրիլի 17–ի N 273-Ն որոշման:

«Եթե քաղաքացին խնդիրներ ունի դիմումը ներկայացնելու (փաստաթղթերի էլեկտրոնային լուսապատճենները համապատասխան էլեկտրոնային փոստին ուղարկելու) հետ կապված, ապա կարող է անհրաժեշտ փաստաթղթերով այցելել ՀՀ աշխատանքի և սոցիալական հարցերի նախարարության սոցիալական ապահովության պետական ծառայության տարածքային բաժիններ, որտեղ կարող է թղթային դիմում ներկայացնել, ինչպես նաև՝  օգնություն կստանա իր անունից դիմումի և անհրաժեշտ փաստաթղթերի էլեկտրոնային լուսապատճենները համապատասխան էլեկտրոնային փոստին ուղարկելու հարցում»,-ասված է հաղորդագրությունում։

 Նպաստի նշանակման համար անհրաժեշտ է ներկայացնել.

1) Ծնողի (երեխայի ծննդյան միանվագ նպաստի դեպքում՝ երկու ծնողների) և երեխայի (Եթե նպաստը նշանակվում է երեք և ավելի անչափահաս երեխաներ ունեցող ընտանիքների երեխային՝ բոլոր երեխաների) անձը հաստատող փաստաթղթերի լուսապատճենները,

2) Կարգավիճակը, որից կախված նշանակվում է նպաստը, հաստատող փաստաթղթի լուսապատճենը, մասնավորապես.

ա. Եթե նպաստը նշանակվում է հաշմանդամ երեխային՝ ԲՍՓ քաղվածքը.

բ. Եթե նպաստը նշանակվում է միակողմանի ծնողազուրկ երեխային՝ ծնողի մահվան վերաբերյալ փաստաթուղթ կամ այլ փաստաթուղթ.

գ. Եթե նպաստը նշանակվում է ժամկետային զինծառայողի երեխային՝ ժամկետային զինծառայության մեջ գտնվելու վերաբերյալ փաստաթուղթ.

դ. Եթե նպաստը նշանակվում է զոհված զինծառայողի երեխային՝ զինծառայողի զոհվելու մասին փաստաթուղթը և այլն։

Այս թեմայով Փաշինյանին դիմել էինք Արցախից տղաների շիրիմների տեղափոխման հարցով, անտեսել է մեզ․ արցախցիներ 99 820 արցախցիներ արդեն ստացել են կոմունալների և տան վարձերի համար տրվող գումարները Հարգելի արցախցիներ, ձեր օրհասական խնդիրների լուծման պատասխանատուն կառավարության շենքում է․ Էլիբեգովա Սիրելի՛ արցախցիներ, այս հարցերը վտանգներ են պարունակում, ես երբեք չեմ հրաժարվի բանակցել. Շահրամանյան Խոշոր ավտովթար` Երևանում. վարորդն ու վիրավորները արցախցիներ են Ճանապարհին մահացած արցախցիներ էլ կան, մարդիկ 40 ժամից ավելի ճանապարհին են եղել․ Անահիտ Ավանեսյան Արցախի մասին Փաշինյանին հարցրեք, չկա, չունենք երկիր, սաղիս բերեց-թափեց ստեղ․ բռնագաղթած արցախցիներ Արցախցիներ, մի ընկճվեք առանձին հակամարդկային դեպքերից, գերակշիռ մասը սթափ է մտածում. Դանիելյան Հարյուրավոր արցախցիներ հավաքվել են ՌԴ խաղաղապահների տեղակայման ճամբարում Սիրելի՛ արցախցիներ, մի՛ ընկեք մոլորության մեջ, ամուր կանգնեք Ռուսաստանի կողքին. դա միակ փրկությունն է. Մհեր Ավետիսյան