«Հրապարակ». Նախկին փոխնախարարը՝ ՊՎԾ պետի խորհրդական

«Հրապարակ» թերթը գրում է. «Օգոստոսի 12-ին Պետական վերահսկողական ծառայության ղեկավարի տեղակալ նշանակվեց իմքայլական պատգամավոր Տիգրան Ուլիխանյանը՝ դադարեցնելով պատգամավորի լիազորությունները։

Այժմ Դավիթ Սանասարյանի փոխարեն նա է կատարելու ՊՎԾ պետի լիազորությունները։ Թեպետ ՊՎԾ կայքում եւ պաշտոնապես դեռ Սանասարյանն է ՊՎԾ ղեկավարը՝ նրա լիազորությունները դադարեցրել են դեռեւս մեկ տարի առաջ, սակայն պաշտոնապես ազատման հրաման չկա։

Մենք տեղեկացանք, որ Ուլիխանյանը ՊՎԾ տեղափոխվելուց հետո իրեն խորհրդական է նշանակել գյուղատնտեսության նախկին փոխնախարար Աշոտ Հարությունյանին, ով վերջին երկու տարում ԱԺ տարածքային կառավարման եւ գյուղատնտեսության հարցերով հանձնաժողովում փորձագետ էր աշխատում եւ մշտապես աչքի է ընկել իր ըմբոստ եւ ընդդիմադիր կեցվածքով։

Հարությունյանը ՊՎԾ է տեղափոխվել հենց Ուլիխանյանի առաջարկով, թեպետ նրան այլ հիմնարկներից եւս առաջարկներ են եղել։ Ուլիխանյանը հաստատեց մեր տեղեկությունը․ «Հարմար եմ գտել իրեն խորհրդական նշանակելը՝ իր գիտելիքները, պետական կառավարման համակարգում ունեցած փորձը հաշվի առնելով»։

Նաեւ ընդգծեց, որ առաջիկայում շատ կադրային փոփոխություններ են լինելու․ «Այն կադրերը, որոնք անմիջապես ենթադրվում է՝ ղեկավարի փոփոխության հետ պետք է փոփոխվեն, անպայման շատ արագ կփոխվեն»։

Այս թեմայով «Հրապարակ». ՊԵԿ նախկին փոխնախագահը հրավիրվել է դատախազություն ՈՒՂԻՂ. Պայթեցնում են ՊՆ նախկին վարչական շենքը ՊՆ նախկին շենքը վաղը կպայթեցվի Ավինյանը պաշտոնի է բերել Մալաթիայի նախկին թաղապետին, որը կալանավորված էր. Զառուկյան Ցավոք սրտի, Հայաստանը միշտ բացակա է․ ֆրանսահայ լրագրողը տեսաուղերձով դիմել է ՀՀ նախկին և ներկա ղեկավարներին Ուկրաինան թշվառ մահով կմեռնի Արևմուտքի շնորհիվ․ ԱՄՆ հետախուզության նախկին աշխատակից Գործընկերների հետ հարաբերություններում Հայաստանն առաջնորդվում է իր պետական շահերով․ ԱԳ փոխնախարար ԼՂ նախկին վերնախավը չի հրաժարվում թշնամական հարվածների փարոսիկի դերից. ՀՀ-ում մեկ կառավարություն կա Արշակ Կարապետյանին բոլորս սպասում ենք Հայաստանում. Արշա՜կ, տու՜ն արի. Անդրանիկ Քոչարյան ԵԱՏՄ կանոնակարգով ներմուծվող ապրանքը պետք է գրանցված լինի, որպեսզի թույլատրվի ներմուծել. փոխնախարար