Ժամանակն է, որ ԱՄՆ-ն հյուպատոսություն բացի Ստեփանակերտում. The National Interest-ի հոդվածը

The National Interest կայքը հոդված է հրապարակել Լեռնային Ղարաբաղի հակամարտության գոտում տիրող իրավիճակի մասին՝ նշելով, որ հանուն խաղաղության ժամանակն է, որպեսզի ԱՄՆ-ն հյուպատոսություն բացի Ստեփանակերտում:

«Արմենպրես»-ի փոխանցմամբ՝ հոդվածի հեղինակ Մայքլ Ռուբինը գրել է. «Ստեփանակերտը պատմականորեն հայ բնակչություն ունեցող  Լեռնային Ղարաբաղի մայրաքաղաքն է, որն այս պահին ենթարկվել է ադրբեջանական զորքերի, Թուրքիայի կողմից տեղափոխված վարձկանների լայնածավալ հարձակմանը՝ թուրքական դրոնների աջակցությամբ: Չնայած մարտերը տեղի են ունեցել ծայրամասային հատվածներում, սակայն Ստեփանակերտը նույնպես կրակի տակ է ընկել: Հաղորդվում է, որ թուրքական F-16-երը ռմբակոծել են քաղաքային ծննդատունը, իսկ հինգշաբթի լրագրողները հայտնեցին, որ քաղաքը ուժեղ կրակի տակ է: Միգուցե, շրջափակված քաղաք ամերիկացի դիվանագետներ ուղարկելը տրամաբանական չէ, սակայն Ստեփանակերտում հյուպատոսություն բացելը կհանգստացնի կոնֆլիկտը և, միգուցե, նպաստի խաղաղությանը»:

Նշվում է, որ ԼՂ-ում ԱՄՆ հյուպատոսություն բացելու առիթները կան: «Մինչ Հայաստանը պաշտպանում է Արցախի նոմինալ անկախությունը, իսկ Ադրբեջանը, հիմնվելով Խորհրդային ժամանակների սահմանային խառնաշփոթի վրա, հայտարարում է, որ պետք է վերահսկի Լեռնային Ղարաբաղը, անվիճելի է, որ այդ ռեգիոնը դարեր շարունակ ինքնուրույն է եղել, ինչն ամրապնդվում է ուժեղ տեղագրությամբ»:

Հոդվածագիրը նշում է, որ Ստեփանակերտում հյուպատոսության կամ դիվանագիտական ներկայացուցչության բացումն ԱՄՆ-ին թույլ կտա ոչ միայն հետևել իրադարձությունների զարգացմանը, այլ նաև կարող է զսպել ադրբեջանական, թուրքական ուժերի, արաբ վարձկանների կողմից խաղաղ բնակչության վրա հարձակումները:

Մայքլ Ռուբինը գրել է, որ Լեռնային Ղարաբաղում հյուպատոսություն բացելու համար Պետդեպարտամենտը տեխնիկական հարցեր պետք է լուծի: Նշվում է, որ դժվար է հակամարտության գոտի հանդիսացող տարածքում հյուպատոսություն բացելը, քանի որ սովորաբար հյուպատոսությունները ենթարկվում են այս կամ այն երկրի մայրաքաղաքում երկրի դեսպանությանը: Հոդվածագրի խոսքով՝ ԱՄՆ-ն չի կարող հյուպատոսությունը կցել Բաքվում ԱՄՆ դեսպանատանը, քանի որ Ադրբեջանը չի վերահսկել  այդ տարածքները դեռ Խորհրդային ժամանակներից ի վեր (Խորհրդային ժամանակներում էլ այն ինքնավար մարզի կարգավիճակ է ունեցել), չի կարող նաև հյուպատոսությունը կցել Երևանում ԱՄՆ դեսպանատանը՝ ԵԱՀԿ Մինսկի խմբի համանախագահության շրջանակներում բանակցային գործընթացը չխափանելու համար: «Սակայն այս դեպքում էլ նախադեպ կա: Տասնամյակներ շարունակ, քանի դեռ ԱՄՆ-ն չէր ճանաչում Երուսաղեմի նկատմամբ Իսրայելի հավակնությունները, Երուսաղեմում ԱՄՆ հյուպատոսությունը որևէ մայրաքաղաքում երկրի դեսպանության կցված չէր»,- նշում է հոդվածագիրը՝ հավելելով, որ ԱՄՆ-ն նույն կերպ կարող է վարվել նաև Լեռնային Ղարաբաղի դեպքում, որպեսզի շրջանցի թե՛ Հայաստանի, թե՛ Ադրբեջանի դիմադրությունը:

Related Articles Prosecutor's office sends crime report to prosecute Armenia PM Pashinyan to National Security Service Prosecutor General discussed issues of mutual interest with head of ICRC delegation in Armenia Security Council Secretary, Lithuanian President's National Security advisor discuss South Caucasus security situation Armenia PM is in National Assembly Deputy PM, FM to go to National Assembly Tuesday at parliamentary opposition’s invitation Haiti gangs loot national library I attach importance to guaranteeing rights of people belonging to national minorities to preserve their national and ethnic identity: Armenia's Ombudswoman Human Rights Defender's office published 2023 annual report and annual activity report of national preventive mechanism France-Armenia friendship group of National Assembly of France visited Armenian Genocide Memorial French Parliamentarians hosted in National Assembly