Երբ իմացավ, որ պատերազմ է, առանց վարանելու մեկնեց ռազմաճակատ. ընկերը՝ զոհված Գոռ Գրիգորյանի մասին (լուսանկարներ)

Հայրենիքի պաշտպանության համար մղվող մարտերում զոհվել է կամավորական Գոռ Գրիգորյանը: Վերջինս մեկ տարի առաջ էր ավարտել ժամկետային զինծառայությունը: Պատերազմը սկսվելուն պես, առանց մեկ վայրկյան վարանելու, մեկնել է ռազմաճակատ` պաշտպանելու հայրենիքը: Այս մասին ԼՈւՐԵՐ.com- ի հետ զրույցում ասաց Գոռի մանկության ընկերը` Վաչե Մկրտչյանը. «Գոռը շատ բարի մարդ էր, ու իր համար բարի ու լավն էին բոլորը: Նա շատ համառ էր, ինչ լիներ մտքին, արագությամբ կյանքի կկոչեր»,- նշեց Վաչեն:

Մեր այն հարցին, թե ազատ ժամանակ Գոռը ինչով էր սիրում զբաղվել, ընկերը պատասխանեց. «Մենք մանկության ընկերներ ենք, բայց այսքան ժամանակ չի եղել, որ Գոռին պարապ տեսնեմ, ինքը միշտ մի բանով զբաղվել է: Անգամ երեկոները խանութ է աշխատեցրել և քնել, ընդամենը, 1-2 ժամ»,- պատմեց Գոռի ընկերը: Մեր զրուցակիցը պատմում է՝ Գոռը շատ սիրված էր աղջիկների կողմից. «Գոռը, երբ գտնվում էր ռազմաճակատում, ինձ մոտավորապես 6 աղջիկ է գրել, հետաքրքրվել Գոռից, բայց նա սիրում էր մի աղջկա, որի հետ այդպես էլ չի հասցնում շփվել»,- ընդգծում է Վաչեն:

Գոռը զոհվել է հոկտեմբերի 7-ին՝ թշնամու արձակած անօդաչու թռչող սարքի հարվածից:

Նշենք, որ մեր զրուցակիցը՝ Վաչեն, եւս մասնակցել է պատերազմին, այժմ գտնվում է հիվանդանոցում: Մեր այն հարցին, թե ապաքինվելուց հետո նորից վերադառնալու է առաջնագիծ, նա պատասխանեց. «Իհարկե, վերադառնալու եմ: Վաղը դուրս եմ գրվելու հիվանդանոցից, կգնամ, Երևանս կտեսնեմ, ու նորից կմեկնեմ ռազմաճակատ»,- եզրափակեց Գոռի ընկերը:

Զվարթ Պետրոսյան

Այս թեմայով Գևորգ Մկրտչյանի և Քրիստինա Հովհաննիսյանի հարսանեկան տանգոն՝ Էրիկի կատարման ներքո (տեսանյութ) Գևորգ Մկրտչյանը և Քրիստինա Հովհաննիսյանը պսակադրվել են (տեսանյութ) Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Դիվերսանտ ադրբեջանցին պետք ա առոք-փառոք ՀՀ-ում շրջի, իսկ կրակած հայ զինվորը՝ դատվի. Մկրտչյան Մեր մանդատ դնելով ոչ Նիկոլն է հրաժարական տալու, ոչ էլ կառավարություն է ցրվելու. Աննա Մկրտչյան (տեսանյութ) Ապագա Հայաստանի հաղթանակի շարժիչ ուժը երիտասարդությունն է․ Արմեն Մկրտչյան (տեսանյութ, լուսանկարներ) Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան