Չգիտեմ` որտեղից եք գրում, բայց ամոթ է ուղղակի. Արցախի նախագահի խոսնակը՝ նախկին վարչապետին
Արցախի Հանրապետության նախագահ Արայիկ Հարությունյանի մամուլի խոսնակ Վահրամ Պողոսյանն արձագանքել է Արցախի նախկին վարչապետ Անուշավան Դանիելյանի այն գրառմանը, որում նա ասել էր, թե Շուշիից չեն կարող գրոհել Ստեփանակերտը, քանի որ Շուշին մեր հսկողության տակ է։
«Չգիտեմ, որտեղից եք գրում, բայց այս ընթացքում գոնե մեկ անգամ Արցախում Ձեզ չտեսանք։ Որակումներ տալուց առաջ Ստեփանակերտ եկեք, խոստանում եմ Ձեզ Շուշի կճանապարհենք, որ այնտեղից ավելի համարձակ գրառումներ անեք։ Ամոթ է ուղղակի»,-գրել է Պողոսյանը։
Ի պատասխան Վահրամ Պողոսյանի Դանիելյանը նշել է, որ ինքը սեպտեմբերի 28-ից գտնվում է Ստեփանակերտում։ «Վահրամ, ես սեպտեմբերի 28-ից արդեն Ստեփանակերտում էի, դուք չեք կարող դա չիմանալ, որովհետև ես ամեն օր մեր փառապանծ գեներալների հետ էի։ 10 օր առաջ Շուշիում։ Ինչ մնում է իմ գրառմանը, ապա ես գրել եմ պանիկյորնեի մասին, առանց անձնավորելու, լավ հասկանալով, թե ինչ վնաս է տալիս խուճապը պատերազմի պայմաններում։ Ցավոք, ես էլ ձեզ չտեսա, որը, իհարկե, չի նշանակում, թե դուք Ստեփանակերտում չեք։ Մեզ բոլորիս հաղթանակ եմ մաղթում»,-գրել է Դանիելյանը։
Ստորև ներկայացնում ենք նաև Անուշավան Դանիելյանի գրառումը․