Պահպանել հանդարտություն, զերծ մնալ բռնություններից. Ամենայն Հայոց կաթողիկոսն ուղերձ է հղել

 Ն.Ս.Օ.Տ.Տ. Ծայրագույն Պատրիարք և Ամենայն Հայոց կաթողիկոս Գարեգին Երկրորդն ուղերձ է հղել հայ ժողովրդին:

Ամենայն Հայոց կաթողիկոսն իր ուղերձում նշել է, որ մեր պահվածքը երբեք չպետք է վտանգի առաջնագծում խրամատների մեջ իրենց սրբազան ծառայությունը քաջությամբ շարունակող զինվորների կյանքը:

«Արցախյան հակամարտության հանգուցալուծման առնչությամբ վերջին ժամերին մեր Հայրենիքում տեղ գտնող զարգացումները, կայացված որոշումները փոթորկել են ամենքիս հոգին: Մեր հայացքի առջև են անցնող երեք տասնամյակներին հանուն Արցախի անկախության պայքարած ու տքնած մեր հայորդիները, վերջին քառասունչորս  օրերին նահատակությամբ իրենց կյանքը փառավորած սիրելիները, քաջարի արցախահայությունը, առաջնագծում կանգնած ամեն զինվորը:

Աղոթք է մեր սրտում՝ հանուն համազգային մեր խոհեմության և միասնականության: Դարավոր մեր պատմության դասերի գիտակցությամբ և ազգային միաբանության պահպանման անհրաժեշտությամբ կոչ ենք անում պահպանել հանդարտոթյունը և չտրվել մեզ փոթորկող զգացումների անհարկի դրսևորումների, զերծ մնալ բռնություններից ու անկարգություններից:  Առկա ճգնաժամը պետք է իր կարգավորումը ստանա Հայաստանի և Արցախի ռազմաքաղաքական ուժերի միասնական ջանքերով:

Սիրելիներս, մեր պահվածքը երբեք չպետք է վտանգի առաջնագծում խրամատների մեջ իրենց սրբազան ծառայությունը քաջությամբ շարունակող զինվորների կյանքը: Թիկունքն այս վիճակում առավել քան երբեևէ պետք է ամուր մնա: Թիկունքում պետք է հաստատուն լինի համերաշխությունն ու կայունությունը, որ կարողանանք միասնաբար լուծումներ, ելքեր գտնել հանուն ժողովրդի անվտանգության:

Կոչ ենք ուղղում Հայաստանի, Արցախի իշխանություններին անհապաղ հիմնավոր և սպառիչ բացատրություններ ներկայացնլ մեր ժողովրդին կայացված որոշումների և հայրենի մեր երկրի ապագայի վրա դրանց ներազդեցության վերաբերյալ: Մենք խոնարհվում ենք հայրենյաց պաշտպանների հաղթական ոգու առջև»,- ասված է կաթողիկոսի ուղերձում:

Այս թեմայով Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին ԱՄՆ Սենատի արտաքին հարաբերությունների հանձնաժողովի ավագ փորձագետն ու ՀՀ-ում ԱՄՆ դեսպանն այցելել են Հայոց ցեղասպանության հուշահամալիր Թող Հայոց ցեղասպանության Ս. Նահատակների բարեխոսությամբ շենանա մեր հայրենիքը. Հայր Զաքարիա Հայոց ցեղասպանության թանգարան-ինստիտուտը խորապես ուսումնասիրում է Ադրբեջանի կողմից արցախահայության դեմ ուղղված բռնությունները Վազգեն Սաղաթելյանը կշարունակի կալանավորված մնալ. մերժվել է կալանքի դեմ բողոքը Չի կարող հայոց զինվորականությունը լուռ մնալ այս կացության առջև, Արցախը կերան, անցել են Տավուշին Ապրիլի 24-ին Հայոց ցեղասպանության թանգարանը կաշխատի 10:00-20:00-ը Նոյեմբերյան-Ոսկեպար ճանապարհին իրավիճակը շարունակում է լարված մնալ (տեսանյութ) ԱՄՆ-ում հարգանքի տուրք են մատուցել Հայոց ցեղասպանությունը վերապրած 109-ամյա հայ կնոջը Հայոց ցեղասպանության 109-րդ տարելիցին ընդառաջ՝ կանցկացվի ավանդական Ջահերով երթը