«Էս մեր վերջին պոստն է, կանգնելու ենք մինչեւ վերջ». ԱԺ-ի մոտ են հավաքվել վիրավոր զինվորները, կամավորականները

Ազգային ժողովի մոտ հավաքված հանրությունը տարբեր պահանջներ էր ներկայացնում ու տարբեր լուծումներ առաջարկում: Այս մասին հայտնում է aravot.am-ը։

Նախ, ցուցարարները միմյանց էին մեղադրում՝ Փաշինյանին վարչապետ ընտրելու մեջ, հետո սկսեցին առաջ քաշել ԲՀԿ-ի առաջարկած 3 կետերը՝ վարչապետի հրաժարական, ռազմական դրության վերացում եւ ՊՊԿ-ի ստեղծում՝ պայմանական կառույց, որը կկառավարի, մինչեւ նոր ընտրություններ կլինեն: Ելույթներ էին ունենում Արցախից եկած կանայք, որոնք ամուսին, եղբայր ու որդի են կորցրել, ամեն մեկը ներկայացնում էր իր պատմությունը, իր ողբերգությունը, պահանջում Փաշինյանի հրաժարականը:

Քիչ անց ցուցարարներին մոտեցավ մի երիտասարդ՝ Նարեկ Կարապետյանը, որը գնացել էր՝ ԱԺ շենքում ԲՀԿ-ականների հետ հանդիպման: Նա ասաց, որ ԲՀԿ-ն պահանջում էր, որ վարչապետը հրաժարական տա, բայց քաղաքացիները պահանջում են, որ պետությունը կառավարի բանակը, Ազգային ժողովը ցրվի: Ցուցարարների խոսքով՝ «ԲՀԿ-ի առաջարկը մեզ ձեռք չի տալիս, իրենք ուզում են իրենց մեջից ընտրվի վարչապետ: Երկիրը, ղեկը պետք է հանձնեն բանակին, մեր գեներալները հաստատ ավելի լավ կկառավարեն երկիրը, քան որեւէ կուսակցություն: Թող մեր ռազմական գործիչները գան իշխանության, հետո օրենքով հարցերը կկարգավորենք: Մեր հայ տեսակն ուզում են ոչնչացնել, մեր բոլորի նպատակը այն է, որ ստորագրված պայմանագիրը չեղարկեն: Այնպես չլինի, որ կազմակերպեն նոր ընտրություններ, որ վարչապետ: Մեզ պետք է, որ այս երկիրը կառավարի բանակը, որ մենք մեր մարդ տեսակը չկորցնենք»:

Հետո ԱԺ բակ եկան բանակում վիրավորված զինվորները՝ մեկը սայլակով, մեկը՝ ձեռնափայտով շարվեցին ԱԺ մուտքի մոտ ու հայտարարեցին. «Էս մեր վերջին պոստն է, կանգնելու ենք մենակ մի բանի համար՝ մեր տղաների մարմինները հողին հանձնենք պատվով: Մենք դրանից ավել ոչ մի բան ոչ մեկից չենք ուզում, չենք ասում՝ կառավարությունը լավն է, վատն է, հլը որ ոչ մի բան չենք ասում»: Վիրավոր զինվորներից մեկն ասաց. «Մենք բոլորս Շուշիից մի քանի օր առաջ ենք եկել, այնտեղ պատերազմական վիճակ էր, վիրավորվել ենք, հետ ենք եկել: Ես դասալիքների այնտեղ չեմ տեսել, չեմ իմանում, ապաքինվելուց հետո էլ պատրաստ ենք գնանք ու կանգնենք մեր ընկերների կողքին: Որ ուղղությունը մեզ տվեցին՝ կյանքի գնով պահելու ենք: Մեր պահանջը հիմա այն է, որ այս կլոունադան վերանա, մեր եղբայրներին կարողանանք բերենք հողին հանձնենք»: Զինվորականները վստահեցրին, որ իրենքն ինքնակամ են եկել ԱԺ բակ, ոչ ոք իրենց չի բերել ու չի ուղղորդել:

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար