Վարդանն այդպես էլ չլսեց՝ ինչպես է դուստրը առաջին անգամ «հայրիկ» ասում

Արցախում հերոսաբար ընկած 29-ամյա Վարդան Մնացականյանը հայրենիքին նվիրեց իր սերն ու անկատար երազանքները: Մահ իմացյալ՝ անմահություն: Այս մասին ԼՈՒՐԵՐ.com-ի հետ զրույցում ասում է Վարդանի քույրը՝ Անուշ Մնացականյանը:

Վարդանը Արագածոտնի մարզի Թալինի շրջանից էր: Ամուսնացած էր, ունի մեկ դուստր:

Վարդանը 8 տարի ծառայում էր Ոստիկանության զորքերում, իսկ սերն ու նվիրումը դեպի հայրենիք՝ եղել է դեռ մանկուց: Հերոսի հայրը ևս աշխատել է Թալինի Ոստիկանության բաժանմունքում:

Անուշը հիշում է, որ Վարդանի դուստրը՝ Արփին, ատամհատիկի օրը ընտրել է հենց ոստիկանի մասնագիտությունը: 

«Չափազանց հայրենասեր ու եռանդով լեցուն էր Վարդանը, իր տված երդումներին միշտ հավատարիմ էր մնում, բայց միայն մեկը չհասցրեց իրականացնել. պատերազմ գնալիս ասում էր՝ երբ աղջիկս հայրիկ ասի, հետ եմ գալու: Իսկ Արփին Վարդանի՝ դեռ սահմանին գտնվելու ժամանակ ասաց հայրիկ, իսկ հայրն այդպես էլ տուն չվերադարձավ»,- մեծ ցավով նշում է Անուշը:

Աշխատասեր ու նպատակասլաց Վարդանը կնոջ ու երեխայի համար ոչինչ չի խնայել, Անուշն ասում է՝ շատ սիրով ու նախանձելի զույգ էին:

«Վարդանը չկարողացավ շնորհավորել աղջկա 1 ամյակը, բայց կնոջը խնդրել էր նշել նրա ծնունդը: Եղբայրս ծնողներիս շատ էր օգնում, ուզում էր թեթևացնել նրանց հոգսը»:

Վարդանը զոհվեց Շուշիի պաշտպանության ժամանակ՝ նոյեմբերի 7-ին, իսկ նոյեմբերի 6-ին նրա դուստրը դարձել է 1 տարեկան: Վարդանի կնոջ աչքերում արցունքներին միախառնված հպարտություն կա:

Հերոսը հերոսին վայել մահով հուղարկավորվել է Եռաբլուրում:

Արփինե Հակոբյան

Այս թեմայով Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը ստանում է իրեն պատկանող երկուսուկես գյուղ, Հայաստանը՝ անվտանգային ռիսկերի նվազեցում․ վարչապետի աշխատակազմ Արդարադատության միջազգային դատարանում ավարտվել են Հայաստանն ընդդեմ Ադրբեջանի գործով լսումները Ադրբեջանի Իլ-76 ինքնաթիռը թռել է Իսրայելի «Օվդա» ավիաբազա (լուսանկար) Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը