«Մա՛մ, քեզ լավ կնայես»․ Գևորգի վերջին խոսքերը՝ մայրիկին

«Գևորգը շատ պայծառ, լուսերես, ընկերասեր և ազնիվ տղա էր: Տղաս միշտ պատրաստակամ էր՝ բոլորին օգնելու»,- այս մասին ԼՈՒՐԵՐ.com-ի հետ զրույցում ասաց հայրենիքի պաշտպանության համար նահատակված Գևորգ Գևորգյանի մայրը՝ Թամարա Գևորգյանը:     

Գևորգը դեռ փոքրուց աչքի էր ընկնում իր հայրենասիրությամբ: Օտար երկրում ապրելը Գևորգի մեջ ավելի մեծացրեց սերը դեպի հայրենիքը. «Հանգամանքների բերումով մենք ապրել ենք Գերմանիայում: Գևորգը հագնում էր զինվորական համազգեստ, միշտ հայրենասիրական երգեր էր լսում, անգամ, իր սենյակի պատուհանից ծածանվում էր մեր եռագույնը»,- ընդգծեց հերոսի մայրը:

Մայրը պատմում է՝ Գևորգը ուներ մեկ նվիրական երազանք՝ վերադառանալ և ծառայել հայրենիքին. «Անցան տարիներ, Գևորգը վերադարձավ հայրենիք, հպարտությունն՝ աչքերում, հայրենասիրությունը՝ սրտում: Ամեն անգամ զարմացնում էր իր հայրենասիրությամբ, երբ ասում էի՝ բացատրի՛ր սերդ դեպի հայրենիքը, պատասխանում էր՝ դու իմ Հայաստանի մայր թագուհին ես, իսկ ես գնում եմ հայրենիքս պաշտպանելու՝ քեզ թողնելով հայրենիքիս»,- մեծ ցավով վերհիշում է տիկին Թամարան:

Գևորգը  15 օր շարունակ պայքարել է թշնամու հազարավոր բանակների դեմ, ոչնչացրել է թշնամու 10 տանկ, 5 անօդաչու թռչող սարք: Նա փրկել է իր ընկերոջը  գերությունից, գրավել է դիրքեր և ազատագրել գյուղեր. «Հայկական գյուղերից մեկում Գևորգը ընկերոջը խնդրել էր, որպեսզի մտնեն հայկական դպրոց և Գևորգը դասասենյակներից մեկի գրատախտակին գրել էր՝ երեխանե՛ր ջան, դուք նորից վերադառանալու եք ձեր դպրոցը և սովորեք հայրենասիրություն ու հերոսություն»,- խորը կսկիծով պատմում է Գևորգի մայրը:

Հերոսի մայրը միմիայն հպարտանում է իր որդով, քայլում է հպարտ և անկոտրուն հայացքով. «Գևորգը իմ միակ որդին է, և ես հպարտ եմ, որ ունեմ Գևորգի նման հայրենասեր որդի, որը իր կյանքը չխնայեց հանուն իմ, քո և բոլորիս: Ես, որպես մայր, վստահ եմ՝ մեր պատմության մեջ կգրվեն մեր հերոսների սխրանքները, և ապագա սերունդները կճանաչեն նորօրյա հերոսներին»,- հպարտությամբ ընդգծեց  Թամարա Գևորգյանը:

Գևորգը զոհվելուց անմիջապես 2 ժամ առաջ, ընկերոջ մարմինը չթողնելով կրակահերթի տակ, 10 կմ գրկած տեղափոխել է մոտակա հիվանդանոց: Նա զոհվել է հոկտեմբերի 10-ին թշնամու արձակած անօդաչու թռչող սարքի հարվածից:

Գևորգը շատ նրբանկատ էր, նա, իմանալով՝ մայրը անհանգիստ է իր համար, պատերազմական օրերին ամեն օր զանգահարել է և ասել, որ հաղթելու են, բայց այլ էր նրանց վերջին հեռախոսազանգը. «Վերջին անգամ խոսել ենք հոկտեմբերի 8-ին, երկար չխոսեցինք, միայն ասաց, մա՛մ, քեզ լավ կնայես»,- ցավով վերհիշում է հերոսի մայրը:

Ինչպես մնացած հերոսները, Գևորգը ևս ուներ մեծ նպատակներ, որոնցից առաջնայինը ամուսնությունն էր սիրած էակի հետ: Նա Գերմանիայում էր թողել իր նշանածին, այն մտքով, որ վերադառնալուն պես ամսի 21.08.21-ին կպսակադրվեն:

Զվարթ Պետրոսյան

Այս թեմայով Սուրեն Պետրոսյանի աջակիցները հավաքվել են ՁՎՊ-ի դիմաց՝ իրենց աջակցությունը հայտնելու նրան Սուրեն Պետրոսյանին մտադիր են մեղադրել իբր խուլիգանություն կատարելու համար․ հայտարարություն Սուրեն Պետրոսյանից բացի բոլոր բերման ենթարկվածներն ազատ են արձակվել Բագրատաշենում ճանապարհ փակելիս ձերբակալվել է քաղաքագետ Սուրեն Պետրոսյանը Փաշինյանը գյուղապետերին կոնկրետ ասել է՝ փուլային տարբերակով ամբողջական հանձնելու եմ. Պետրոսյան Լևոն Տեր-Պետրոսյանն այսօր այցելել է բժշկական կենտրոն՝ պլանային հետազոտության Գժվում եմ քո համար, կյանքս. Տոմա Պետրոսյան Ես ողբում եմ. հան­դուր­ժե­ցինք, որ կորց­րինք, փոք­րա­ցանք ու դեռ փոք­րա­նում ենք, սպասում եմ, որ մեկը կասի Ստոպ. Էմմա Պետրոսյան Զինվորներն են իրենց գումարով հաճախ զինվորական մեքենաները նորոգում. վթարից տուժածի մայր Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար