«Փաստ». Կադրային «զորաշարժեր»

«Փաստ» օրաթերթը գրում է. «Նիկոլ Փաշինյանն սկսել է կադրային փոփոխություններ իրականացնել, որոնք սուսուփուս վավերացնում է ՀՀ նախագահ Արմեն Սարգսյանը: «Փաստ» թերթի աղբյուրները փոխանցում են, որ կադրային այս «զորաշարժերը» տարբեր պատճառներ ունեն:

Որոշ դեպքերում գործ ունենք «քավության նոխազ» «նշանակելու» հետ, ի մասնավորի, խոսքը Զոհրաբ Մնացականյանի ու Դավիթ Տոնոյանի մասին է, ինչի մասին են վկայում վերջին օրերին փաշինյանամերձ որոշ պատգամավորների հարձակումներն այս պաշտոնյաների վրա:

Ըստ տեղեկությունների, ժամանակի ընթացքում հնարավոր ու անհնար մեղքը փորձ կանեն բարդել նաեւ նրանց վրա, միայն թե Փաշինյանը «մաքուր» դուրս գա: Մյուս դեպքերում հասարակության աչքերում «թոզփչոցի» իրականացնելու խնդիր կա, թե տեսեք՝ արմատական փոփոխություններ եմ սկսել:

Իշխանամերձ մեր աղբյուրները փոխանցում են, որ Նիկոլ Փաշինյանը հիմա պաշտոն տալով, ինչ-որ բան խոստանալով, սպառնալով փորձում է ամուր պահել իր «շրջապատը», օգտագործում է նրանց, իսկ անհրաժեշտության դեպքում պարզապես նրանք կդառնան հերթական «քավության նոխազներ»:

Պատահական չէ, որ արդեն իսկ տեղեկություններ են շրջանառվում, որ պատգամավորներից ու գործադիրի ներկայացուցիչներից շատերը եւս վստահ են, որ Փաշինյանը պետք է հեռանա, սակայն վախենում են արտահայտվել կամ դուրս գալ իրենց պաշտոններից: Մեզ տեղեկություններ են հասնում, որ նրանք նեղ շրջանակներում ասել են, թե իրենք հիմա ստիպված պաշտպանում են Նիկոլ Փաշինյանին, բայց վերջինս իրենց «փուռն է տալու»:

Ի դեպ, գրող, հրապարակախոս Դավիթ Վանյանը «Փաստի» հետ զրույցում կարծիք հայտնեց, թե Փաշինյանը «բոլորին կվաճառի, բոլորին, միայն թե փրկի իր անձը»:

Այս թեմայով Բժշկական օգնության և սպասարկման մի շարք տեսակների համար սահմանված տեխնիկական և կադրային պահանջները կվերանայվեն. «Փաստ» Հավանության է արժանացել «Գրադարանների և գրադարանային գործի մասին» օրենքում փոփոխություններ կատա­րելու մասին օրենսդրական նախաձեռնությունը Ինչ փոփոխություններ է արձանագրել տարադրամի շուկան ապրիլի 9-ին Իրազեկում. փոփոխություններ տուգանային միավորների կիրառման վերաբերյալ Զելենսկին կադրային ջարդ է սկսել Դատախազությունում տեղի են ունեցել կադրային փոփոխություններ ՀՀ-ում ձվի շուկան ինքնաբավ է, գնային էական փոփոխություններ չեն սպասվում․ ՄՊՀ Փոփոխություններ եւ լրացումներ են նախատեսվում «Ավտոմոբիլային ճանապարհների մասին» եւ «Պետական տուրքի մասին» օրենքներում Ռուսական գազի գինը մինչև 2031 թ. չի թանկանա, եթե աշխարհաքաղաքական փոփոխություններ չլինեն. փոխնախարար Ինչ փոփոխություններ է արձանագրել տարադրամի շուկան մարտի 9-ին