Արդյո՞ք առկա է անպաշտպանության, ազգային խայտառակության ավելի ցայտուն օրինակ․ Գոհար Մելոյան

Արդյո՞ք առկա է անպաշտպանության, ազգային խայտառակության և ամոթի ավելի ցայտուն օրինակ: Որտե՞ղ են եւ որտե՞ղ էին Հայաստանի իշխանությունները: Այս մասին իր ֆեյսբուքյան էջում գրել է  սահմանադրագետ Գոհար Մելոյանը` անդրադառնալով Վազգենաշենում ադրբեջանական բանակի ծաղրուծանակի ներքո հայ խաղաղ բնակիչների բնակավայրը լքելուն:

«Ադրբեջանն այսօր կազմակերպել է ավելի քան 120 դիվանագետների, ռազմական կցորդների և միջազգային կազմակերպությունների աշխատակիցների այցը Ֆիզուլի քաղաք:

Ադրբեջանի իշխանությունների նպատակն է՝ ցույց տալ «հայերի և Հայաստան Հանրապետության կողմից ամբողջությամբ ավերված» Ֆիզուլի քաղաքը՝ ներկայացնելով մեզ որպես ագրեսոր, իսկ Ադրբեջանին՝ որպես 30 տարի շարունակ տուժած կողմ:

Ավելին՝ այս այցի կազմակերպումն անհրաժեշտ է դիտարկել նաև Հայաստանից ավելի քան 50 միլիարդ դոլլարի պատճառված վնասի հատուցում պահանջելու վերաբերյալ Իլհամ Ալիևի մտադրության իրականացման և դրա միջազգայնացման շրջանակներում:

Պատերազմի ընթացքում Ադրբեջանի իշխանությունները նման այցեր էին կազմակերպել նաև դեպի Գյանջա և Բարդա քաղաքներ:

Իսկ ինչո՞վ են զբաղված Հայաստանի իշխանություններն այս ընթացքում:

Որևէ գիտակից մարդ կարող է պարզաբանել, թե՝

1. ինչու՞ մինչ օրս Հայաստանում հավատարամագրված դիվանագետներին, ռազմական կցորդներին և միջազգային կազմակերպությունների աշխատակիցներին չեն ներկայացվել մեր կողմից գերեվարված երկու սիրիացի վարձկանները,

2. ինչու՞ Հայաստանում հավատարամագրված դիվանագետների, ռազմական կցորդների և միջազգային կազմակերպությունների աշխատակիցների համար չի կազմակերպվել որևէ այց դեպի Սյունիքի մարզի Դավիթ Բեկ գյուղ և Վարդենիս քաղաք, ինչպես նաև ՀՀ այլ բնակավայրեր, որոնք անմիջականորեն տուժել են Ադրբեջանի ագրեսիայի արդյունքում,

3. բացառությամբ Մարդու իրավուքների պաշտպանի եւ իր աշխատակազմի փայլուն աշխատանքի, արդյո՞ք որևէ պետական մարմին Հայաստանում հավատարամագրված դիվանագետների, ռազմական կցորդների և միջազգային կազմակերպությունների աշխատակիցներին ներկայացրել է գերեվարված և մահացած ՀՀ զինծառայողների նկատմամբ Ադրբեջանի իշխանությունների գործած վայրագությունները:

Այսօր հրապարակվեց ևս մեկ տեսաձայնագրություն(կտեղադրեմ մեկնաբանություններում), որում Վազգենաշեն գյուղում մարդիկ թողնում են իրենց տները և բեռնում իրերը՝ ադրբեջանական զորքի անմիջական ներկայության և ծաղրանքի պայմաններում:

Արդյո՞ք առկա է անպաշտպանության, ազգային խայտառակության և ամոթի ավելի ցայտուն օրինակ:

Որտե՞ղ են եւ որտե՞ղ էին Հայաստանի իշխանությունները:

Եվ այդ ընթացքում Կառավարության շենքում հանդիպում են ԱԶԳԱԴԱՎ ԴԱՎԱՃԱՆը և նրա խամաճիկը՝ ԱԶԳԱԴԱՎ ԾԱՂՐԱԾՈՒՆ:

Այս նկարը ՀՀ պատմության մեջ պետք է մտնի, որպես՝ դավաճանության, ամոթի, անհեռատեսության և տկարամտության պատկեր»:

Այս թեմայով Գոհար Ավետիսյանը գիրանալուց հետո ցուցադրել է իր արտաքինը (լուսանկար) Գոհար Ավետիսյանը՝ սև թափանցիկ զգեստով (լուսանկար) Գոհար Ավետիսյանը ներկայացել է նոր ֆոտոշարքով Գոհար Ավետիսյանի նախկին ամուսինը դատի է տվել նրան 35-ամյա Գոհար Գ.-ն հետախուզվում էր մարդուն առևանգելու և ֆիզիկական ներգործության մեղադրանքով «Երբ տեսա Արարատը՝ սիրտս կանգնեց»․ Գոհար Ավետիսյան ՔՊ-ի երիտասարդական կառույցի խորհրդի նախագահ է նշանակվել Գոհար Սաֆարյանը «Երևանն ինչպես միշտ շատ ջերմ է դիմավորում»․ Գոհար Ավետիսյանը Հայաստանում է (լուսանկար) Արցախի ՊԲ մարտիկները կռվել են առյուծի պես. Գոհար Մելոյան Գոհար Ավետիսյանը բաժանվել է սիրելիից (լուսանկարներ)