Փաշինյանն անհետ կորածների ծնողների հետ հանդիպմանն ասել է, որ իրենց խնդրով հանդիպում ունի Տիգրան Ավինյանի հետ

Ադրբեջանի կողմից Արցախի դեմ սանձազերծված պատերազմի հետևանքով անհետ կորած զինվորների ծնողները բողոքի ակցիա են իրականացրել Պաշտպանության նախարարության դիմաց, որից հետո նրանք որոշեցին ակցիան շարունակել Ռուսաստանի դեսպանատան մոտ: Նրանք պահանջում են քայլեր ձեռնարկել անհետ կորած իրենց հարազատներին գտնելու ուղղությամբ:

«Մենք, երբ ասում էինք, որ վիրավոր և շրջափակման մեջ գտնվող տղերք կան, որոնց պետք էր օգնության հասնել, մարդիկ պատճառաբանում էին, որ այդ տարածքները Ադրբեջանի վերահսկողության տակ են գտնվում և չեն կարող օգնություն ցույց տալ: Բայց ես ասացի, որ եղել է, դեպք հենց ինձ հետ կապված, երբ ամսի 10-ին զանգահարել է ինձ եղբորս տղան, ասել է, որ շրջափակման մեջ են: Ես 3 րոպե հետո այդ հեռախոսազանգը փոխանցել եմ Գորիսի ռազմական ոստիկանություն, որ շտապ միջոցներ ձեռնարկեն, բայց անգամ այդ ժամանակ չեն արել որևէ գործողություն, որ մեր երեխեքին այդ տարածքից հանեն, ուր մնաց հիմա, երբ այդ տարածքները Ադրբեջանինն են արդեն»,- այս մասին լրագրողների հետ զրույցում ասաց անհետ կորած զինվորի հարազատներից մեկը:

Ըստ նրա խոսքերի՝ դեռ 2 օր առաջ «Կարմիր խաչը» պետք է մտներ Հադրութ և աշխատանք իրականացներ, սակայն Ադրբեջանը տարածքը փակել է և թույլ չի տվել որևէ աշխատանք իրականացնել այնտեղ. «Պատերազմի ընթացքում ամենաշատ զոհերը եղել են Ջաբրաիլում, ու հիմա էլ այնտեղ շատ վիրավորներ կլինեն»,- ասաց անհետ կորած զինվորի հարազատներից մեկը:

Վերջինս նշեց, որ երեկ վարչապետի հետ հանդիպումը շատ կարճ է տևել, քանի որ վարչապետը շտապելիս է եղել, ասելով՝ իրենց խնդրով պետք է հանդիպման գնա Տիգրան Ավինյանի հետ:

Այս թեմայով Երևանում կորած համարվող Ջաթին Շարման հայտնաբերվել է Ջրվեժի ձորում հայտնաբերվել է որպես անհետ կորած որոնվող 56-ամյա տղամարդու հոշոտված մարմինը Ջաթին Շարման որոնվում է որպես անհետ կորած Մովսես Ոսկանյանը որոնվում է որպես անհետ կորած Նաիրա Պետրոսյանը որոնվում է որպես անհետ կորած Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Որպես անհետ կորած փնտրվող 37-ամյա տղամարդուն գտել են մահացած վիճակում Թրամփը Բայդենին անվանել է «կորած հոգի» Փաշինյանը ոչ մի դրական պատասխան չտվեց, մենք միայն մեր երեխեքին ենք ուզում. անհետ կորածի մայր (տեսանյութ) 167 զոհի և անհետ կորածի կենսագրություն․ «ՀայաՔվեն» ավարտեց վերջին կես տարվա կարևոր առաքելությունը