ՍԴ-ն ստացել է Գագիկ Ծառուկյանին մանդատից զրկելու հարցով ԱԺ խորհրդի դիմումը

Սահմանադրական դատարանը նոյեմբերի 25-ին՝ ժամը 18:27-ին, ստացել է ՀՀ Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանի պատգամավորական լիազորությունները դադարեցնելու հարցով՝ ՀՀ Ազգային ժողովի խորհրդի դիմումը։ Այս մասին հաղորդագրություն է տարածել ՍԴ կայքէջը:

«Որպես դիմումի փաստական հիմք նշվում է Կոռուպցիայի կանխարգելման հանձնաժողովի` հոկտեմբերի 26-ի եզրակացությունը և դրան կից փաստաթղթերը։  Դիմումը Սահմանադրական դատարանում մուտքագրվել է 2020 թվականի նոյեմբերի 26-ին՝ ժ. 09:49-ին։ Ներկայումս ստուգվում է դիմումի և կից փաստաթղթերի համապատասխանությունը «Սահմանադրական դատարանի մասին» սահմանադրական օրենքի 24-րդ և 25-րդ հոդվածներով նախատեսված պահանջներին»,- նշված է հաղորդագրության մեջ:

ՍԴ-ի տարածած հաղորդագրության մեջ նշվում է, որ դիմումի ընդունման, վարույթի և գործի քննության ընթացակարգերի պարզաբանմամբ Սահմանադրական դատարանը հանդես կգա առանձին հրապարակումով։

Նոյեմբերի 24-ին Ազգային ժողովի խորհրդի նիստին որոշվել էր «Բարգավաճ Հայաստան» խմբակցության ղեկավար Գագիկ Ծառուկյանի պատգամավորական լիազորությունները դադարեցնելու հարցով դիմել Սահմանադրական դատարան։ 

Այս հարցով ՍԴ դիմելու որոշման համար որպես հիմք է նշվել Սահմանադրության 95-րդ հոդվածն ու Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի՝ պատգամավորի կողմից անհամատեղելիության պահանջների խախատման մասին» 03/2020 եզրակացությունը: 

Սահմանդրության 95-րդ հոդվածով սահմանվում է, որ պատգամավորը չի կարող զբաղեցնել իր կարգավիճակով չպայմանավորված պաշտոն պետական կամ տեղական ինքնակառավարման այլ մարմիններում, որևէ պաշտոն` առևտրային կազմակերպություններում, զբաղվել ձեռնարկատիրական գործունեությամբ, կատարել վճարովի այլ աշխատանք, բացի գիտական, կրթական և ստեղծագործական աշխատանքից:

Այս թեմայով «Շոգելու ենք»․ Գագիկ Սուրենյան Վայոց ձորում իրանական համարանիշերով բեռնատարը կողաշրջվել է «Համոզված եղեք՝ խոշտանգումը նկարահանել են, որ տանեն, իրենց գլխավոր ստահակը հաճույք ստանա դրանից». Գագիկ Համբարձումյան Սաղ բանակը Մելքոնյան Գագոն ա թալանել. քաղաքացի (տեսանյութ) Դուբայում, որտեղ անձրևը մեծ շռայլություն է, այսօր խոշոր ջրհեղեղ է դիտվել. Սուրենյան (տեսանյութ) Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել Էրդողանը հրահանգել է Նիկոլին «ապացուցել», որ հայերի ցեղասպանություն չի եղել. Գագիկ Համբարյան Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար Սամվել Մայրապետյանից և Գագիկ Հակոբջանյանից կբռնագանձվի 11 մլն դոլար Գագիկ Սուրենյանը՝ ապրիլ ամսին սպասվող եղանակի մասին