Սպառողների համար խմելու ջրի սակագինը կմնա անփոփոխ

ՀՀ հանրային ծառայությունները կարգավորող հանձնաժողովը սահմանեց «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագները:  ՀՀ հանրային ծառայությունները կարգավորող հանձնաժողովը տեղեկացնում է, որ 2021 թվականին սպառողների համար ջրի սակագինը կմնա անփոփոխ՝ մեկ խորանարդ մետրի համար 180 դրամ:

Խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2021 թվականի սակագների ճշգրտման գործոնների, այդ թվում նաև՝ մանրածախ ջրամատակարարման փաստացի ծավալների մոնիթորինգի արդյունքներով հանձնաժողովի կատարած հաշվարկների համաձայն՝ մանրածախ ծառայությունների սակագների գումարային մեծությունը յուրաքանչյուր խորանարդ մետրի համար կազմել է 178,247 դրամ (ներառյալ ԱԱՀ-ն), ինչը գործող սակագների գումարային մեծության նկատմամբ պակաս է 1,753 դրամ/խմ-ով (ներառյալ ԱԱՀ-ն):

Հաշվի առնելով, որ 2022 թվականին նախատեսվում է մանրածախ ծառայությունների բազիսային սակագների աճ և նպատակ ունենալով մեղմելու այդ աճը՝ ՀՀ փոխվարչապետի գրասենյակի, ՀՀ տարածքային կառավարման և ենթակառուցվածքների նախարարության և «Վեոլիա ջուր» ընկերության հետ քննարկվել է 2020 թվականի համար գործող մանրածախ ծառայությունների սակագների (գումարային 180 դրամ/խորանարդ մետր՝ ներառյալ ԱԱՀ-ն) և 2021 թվականի համար հաշվարկված սակագների տարբերությունը (ընկերության լիցենզիայի համաձայն ճշգրտումից հետո՝ 1.761 դրամ/խորանարդ մետր՝ ներառյալ ԱԱՀ-ն) տեղափոխել և նվազեցնել  2022 թվականին սահմանվող սակագներից:

 Որոշումներն ուժի մեջ կմտնեն 2021 թվականի հունվարի 1-ից:

Այս թեմայով Լինենք իրազեկ, որպես սպառողներ կայացնենք գրագետ որոշումներ. Գեղամ Գևորգյան Նոր հարված՝ սպառողի գրպանին. ում շահերն է պաշտպանում Գարեգին Բաղրամյանը «Էլեկտրիկ Երևանը» կրկին ոտքի կկանգնի՞ Ովքեր և ինչու են փափուկ բարձ դրել «հպարտ քաղաքացիների» գլխի տակ ՀԾԿՀ նախագահի խոստման «փուչիկը» պայթեց. հանրությունը՝ փաստի առաջ «Ջրի սակագները մեծ արագությամբ անընդհատ աճելու են. նույնը սպասվում է նաև գազին և էլեկտրականությանը» Վաղաշենում հիմնովին լուծվում է խմելու ջրի մատակարարման և արոտների ջրարբիացման խնդիրը Գազը թանկացավ․ ում է վնաս գազի գնի բարձրացումը