Ստեփանակերտի բնակիչները միրգ և քաղցրավենիք են հյուրասիրել ռուս խաղաղապահներին

Ստեփանակերտ քաղաքի բնակիչները շնորհակալություն են հայտնել հրադադարի պահպանման պայմանավորվածությունը հսկող խաղաղապահ զորախմբի ռուս զինծառայողներին: «Արմենպրես»-ի փոխանցմամբ` այս մասին ասված է Ռուսաստանի Պաշտպանության նախարարության կայքում: 

Տեղի բնակիչներն ու Լեռնային Ղարաբաղի վարչակազմի ներկայացուցիչները այցելել են ռուսական խաղաղապահ դիրքեր և զինծառայողներին հանձնել մրգով լի զամբյուղներ ու ազգային քաղցրավենիք: Այցելուների խոսքով՝ այդպիսով նրանք իրենց երախտագիտությունն են հայտնել տարածաշրջանում խաղաղություն ապահովող ռուս զինծառայողներին։

Ռուս խաղաղապահների կողմից ապահովվում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքների օբյեկտները: Մեկ օրում ռուս խաղաղապահների աջակցությամբ Հայաստանի տարածքից Լեռնային Ղարաբաղ է վերադարձել ավելի քան 1700 փախստական: Նախկին բնակության վայրեր են վերադարձել արդեն շուրջ 19 հազար բնակիչներ, որոնք նախկինում ստիպված լքել են իրենց տները Լեռնային Ղարաբաղում մարտական գործողությունների պատճառով:

Լեռնային Ղարաբաղի բնակիչներին սոցիալական ենթակառուցվածքների և բնակելի տների վերականգնման համար ռուս խաղաղապահների կողմից ապահովվել է ավելի քան 300 տոննա շինարարական նյութերի անվտանգ առաքումը Ստեփանակերտ:

Հումանիտար ականազերծման կենտրոնի մասնագետներն իրականացրել են Ստեփանակերտ քաղաքի ավելի քան 1,5 կմ երկարությամբ ճանապարհահատվածի պայթունավտանգ առարկաներից ինժեներային հետախուզում և մաքրում: Մեկ օրում հայտնաբերվել է 87 պայթյունավտանգ առարկա, որոնք դուրս են բերվել հատուկ պատրաստված վայր և ոչնչացվել։ Ընդհանուր առմամբ, Լեռնային Ղարաբաղում խաղաղապահ գործողության ընթացքում ինժեներական ստորաբաժանումների կողմից ականազերծվել է ավելի քան երկու հեկտար տարածք և շուրջ երեք կիլոմետր ճանապարհ, հայտնաբերվել և վնասազերծվել է 144 պայթյունավտանգ առարկա:

Լեռնային Ղարաբաղ, որակյալ բժշկական օգնություն ցուցաբերելու նպատակով, ուղարկվել է Արևելյան ռազմական շրջանի հատուկ նշանակության բժշկական ջոկատը, որի մասնագետները օգնություն կցուցաբերեն տեղի բնակիչներին:

Այս թեմայով Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն Ռուս խաղաղապահը Սյունիքից ևս դուրս կբերվի․ փակվում են Գորիսի և Սիսիանի տեղակայման վայրերը Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները Ոսկեպարի եկեղեցու մոտ սակրավորներն ականներ են փնտրում, բնակիչները պահանջում են դադարեցնել (տեսանյութ) Կրակոցի ձայներ լսվեց. Ոսկեպարում վիճակը գերլարված է, բնակիչները փորձում են արգելել ականազերծումը (տեսանյութ) Նոյեմբերյանում բնակիչները միաձայն «տերունական աղոթքն են» արել (տեսանյութ) Բնակիչները փակել են Իջևան-Վրաստանի սահման ճանապարհը (տեսանյութ) Կիրանց գյուղի բնակիչները թույլ չեն տալիս սկսել ականազերծման աշխատանքները (տեսանյութ) Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Ռուս խաղաղապահների դուրսբերումն Արցախից ընդգծում է մեր տարածաշրջանում առկա բազմամակարդակ խնդիրները