25 օր ա ես կորոնավիրուսով պառկած եմ, պարապ եք մնացել, էլի ինձ հիշեցի՞ք. Սամվել Ալեքսանյան. ArmLur.am

Այսօր տեղեկություն տարածվեց, որ Սամվել Ալեքսանյանն ԱԺ-ին պատկանող 363 HH 11 պետհամարանիշի միկրոավտոբուսով իրեն պատկանող «Մեգամոլից» հեռացրել է Փաշինյանին սպասարկող «ֆեյքերի ֆաբրիկայի» համակարգիչները և սպառնացել է  Mediaport-ի թղթակցին:

ArmLur.am-ը կապ է հաստատել Սամվել Ալեքսանյանի հետ` պարզելու միջադեպի մանրամասները եւ նրա կապը «ֆեյքերի ֆաբրիկայի» հետ:

– Էլի ինձ հիշեցի՞ք: Ազիզ ջան 25 օր ա տանից դուրս չեմ եկել: Կորոնայով հիվանդ եմ, չեմ շփվում ոչ մեկի հետ, տունն եմ մնացել: Ի՞նչ եք ֆեյք-մեյք կապում իմ հետ: Ես էն անգամ էլ ասեցի` ֆեյսբուքներում չկամ, ինձ մի խառնեք տենց գործերի մեջ:

– Իսկ «Մեգամոլ» գնացե՞լ եք, համակարգիչ հանե՞լ եք ինչ-որ սենյակից ու տեղափոխել ԱԺ համարանիշներով ավտոմեքենան:

– Ասում եմ 25 օր դուրս չեմ եկել տանից, ասում ես այսօր «Մեգամոլ» գնացե՞լ ես: Ոչ: Էլ ոնց ասեմ՝ ոչ: Համ էլ մի հատ տրամաբանական հարց. ես համակարգիչ պտի վերցնեմ սենյակից, իջացնեմ ավտոյի մեջ դնե՞մ: Դուք էդ տեսարանը ո՞նց եք պատկերացնում: Մի հատ մտածեք էլի, որ սուտը ուզում եք կարեք վրես (անձամբ քեզ նկատի չունեմ, էդ տարածողներին): Էլ բան ու գործ չունեմ կամպյուտր տանեմ բերե՞մ: Ամոթա ազիզ ջան, թարգեք տենց բաներ տարածել: Կամ սուտ ասելուց գոնե նենց բան ասեք, որ հավատալու լինի: Հիմա` հանգիստ թողեք բուժվեմ, հաջողություն:

Հավելենք, որ ԱԺ աշխատակազմի ղեկավար Տիգրան Գալստյանը քիչ առաջ հերքել է տեղեկությունը` հայտնելով, որ նման համարանիշներով ավտոմեքենա ԱԺ-ում չկա:

«Պաշտոնապես հայտարարում եմ, որ այս տեղեկատվությունը չի համապատասխանում իրականությանը, քանի որ, ՀՀ Ազգային ժողովի աշխատակազմում այսպիսի պետհամարանիշով որևէ տրանսպորտային միջոց(ներառյալ միկրոավտոբուս) չկա: Ավելին Ազգային ժողովի աշխատակազմի պետհամարանիշները HH01 -ով են»,- գրել է Գալստյանը։

Այս թեմայով Սամվել Ալեքսանյանի՝ զուգագուլպաների արտադրող «Ալեքս Սոկս» ընկերությունն ազատվեց մաքսատուրքից Լուսանկարներ՝ Սամվել Ալեքսանյանի որդու հարսանիքից «Հրապարակ». Սամվել Ալեքսանյանի որդու հարսանիքը՝ Դուբայում. Փաշինյանի ընտանիքից եւս անդամներ եղել են Սամվել Ալեքսանյանն ընտանիքի հետ Հնդկաստանում է. ինչպես են նրանց դիմավորել (տեսանյութ, լուսանկարներ) Ինչո՞ւ է Սամվել Ալեքսանյանը կիրակի օրով այցելել ԵՊՀ և ուսումնասիրել նկուղները. «Հրապարակ» Կանաչապատ տարածքի փոխարեն՝ բազմաֆունկցիոնալ համալիր. այն պատկանում է Սամվել Ալեքսանյանի քրոջը Իշխանությունները «մաքրում» են Սամվել Ալեքսանյանի ճանապարհը «Հրապարակ»․ Սամվել Ալեքսանյանը կասկածներ ունի, որ Փաշինյանի իշխանությունը չի վերարտադրվի, և որոշել է աշխատել խիստ զգուշավոր Սամվել Ալեքսանյանի տիկնոջ ծննդյան խնջույքն ու հայտնի հյուրերը (տեսանյութ) Ինչպես է Սամվել Ալեքսանյանի կինը նշել ծննդյան տարեդարձը (տեսանյութ)