Զոհված զինծառայողների մարմինների որոնման աշխատանքներ են ընթանում Հադրութի և Ֆիզուլիի ուղղություններում

Արցախ 7 Դեկտեմբեր, 2020 11:50

Արցախի արտակարգ իրավիճակների պետական ծառայության փրկարար ուժերի վարչության փրկարարական ջոկատները շարունակում են պատերազմի հետևանքով զոհված զինծառայողների մարմինների որոնողական աշխատանքները: Այս մասին հայտնեցին Արցախպի Հանրապետության արտակարգ իրավիճակների պետական ծառայությունից:

Հաղորդագրության մեջ նշվում է, որ սկսած նոյեմբերի 13-ից Կարմիր խաչի միջազգային կոմիտեի /ԿԽՄԿ/ և ՌԴ խաղաղապահ զորակազմի միջամտությամբ՝ բուն որոնողական գործողություններին մասնակցում են Արցախի փրկարարական ջոկատները և սակրավորական խմբերը։

«Զոհված, անհետ կորած կամ գերեվարված զինծառայողների ծնողների հետ ամեն օր ԱԻ պետական ծառայության տնօրեն գեներալ-մայոր Կարեն Սարգսյանն է հանդիպում: Քննարկվում են փրկարարների կողմից կատարված որոնողական աշխատանքների արդյունքները, փոխանակում կարծիքներ, ընդունվում փոխադարձ առաջարկներ:

Զոհված զինծառայողների մարմինների որոնման ու փոխանակման աշխատանքները գրեթե ավարտվել են Շուշիի և Մարտակերտի ուղղություններում, ընթացքի մեջ են Մարտունի քաղաքի հարակից համայնքներում, Ասկերանի վերին ենթաշրջանում, ինչպես նաև Հադրութի և Ֆիզուլիի ուղղություններում:

Կողմերի բանակցումից հետո որոնողական աշխատանքներն առաջիկայում կշարունակվեն ադրբեջանական վերահսկողության տակ անցած Հադրութի հարավային հատվածում, Մեխակավանում և մյուս բնակավայրերում»,- ասված է հաղորդագրության մեջ:

ՏԵՂԵԿԱՆՔ

ԱԻ պետական ծառայությունը բանակցող կողմ չի հանդիսանում: Արցախի փրկարարներն իրենց գործուն մասնակցությունն են ցուցաբերում

որոնողական աշխատանքերում: Բացի այդ, ծառայության տնօրեն գեներալ-մայոր Կարեն Սարգսյանի հրամանով ստեղծվել է օպերատիվ շտաբ,

որտեղ զինծառայողների մասին փաստացի տեղեկություններ են հավաքվում, քարտեզագրվում և փոխանցվում բանակցող կողմերին:

ARM

Կիսվել

Այս թեմայով Զինծառայողներին տեղափոխող «Ուրալի» վթարի դեպքի առթիվ նախաձեռնվել է քրեական վարույթ. ՔԿ Ադրբեջանը Հադրութում տարբեր պատրվակներով ոչնչացնում է հայկական հետքը Միջերկրական ծովում ավիավթարի հետևանքով ամերիկացի զինծառայողներ են զոհվել Սեպտեմբերի 1-ին զոհվել են 3 և վիրավորվել 2 զինծառայողներ. այլ տեղեկությունները կեղծիք են. ՀՀ ՊՆ Ուզբեկստանի նախագահը Արցախում է ՊԲ-ն չի ճնշել Ֆիզուլի֊Բաքու երթուղով թռիչք կատարող քաղաքացիական օդանավի GPS համակարգը. հերքում Ադրբեջանցի զինծառայողները ադրբեջանական կողմում հայտնված պահեստազորային Գ. Ո.-ին ձերբակալում են և մեքենայով տեղափոխում անհայտ ուղղությամբ. ՊՆ (տեսանյութ) Հայ զինծառայողների առեւանգումը կատարվել է Շիկահողից 2-3 կմ հյուսիս-արեւելք․ «Հետք» Զոհված զինծառայողների ծնողներն անժամկետ նստացույց հայտարարեցին կառավարության մոտ Որոշ զինծառայողներ սմարթֆոն օգտագործելու իրավունք կունենան. ՊՆ ղեկավարը կկանոնակարգի. փոխնախարար