Քաղաքացիներն ավելի հեշտ կկարողանան փոխել անունը, գրանցել ամուսնությունը. նախագիծն ընդունվեց

ՀՀ ազգային ժողովն առաջին ընթերցմամբ ընդունեց կառավարության կողմից ներկայացված օրենքի նախագիծը, որով հեշտացվում են ՔԿԱԳ ծառայություններից օգտվելու կարգը, որոշ ծառայություններ այսուհետ կմատուցվեն էլեկտրոնային եղանակով, վարչարարությունը կկրճատվի: 

Քաղաքացիական կացության ակտերի գրանցման մասին և կից ներկայացված օրենքների նախագծերի փաթեթն ԱԺ նիստում քվեարկությամբ ստացավ 80 կողմ, 2 ձեռնպահ ձայներ:

Նախագծերով սահմանվում է քաղաքացիական կացության ակտերի գրանցման մարմինների նոր համակարգ: Նախատեսվում է Էլետրոնային դիմումների ներկայացման հնարավորություն. ՔԿԱԳ ծառայությունների մատուցումն իրականացնել նաև օնլայն հարթակի միջոցով: Այս տարի ներդրվել է այդ ոլորտում առաջին էլեկտրոնային ծառայությունը՝ ընտանեկան կարգավիճակի վերաբերյալ տեղեկանքի տրամադրում:

Գրեթե բոլոր գործընթացներում կնվազի վարչարարությունը: Կրճատվել է ամուսնության գրանցումների ժամկետը: Ներկայումս գրանցումը կատարվում է դիմում ներկայացնելուց հետո 10 օրից մինչև 3 ամիս ժամկետում, սահմանվել է՝ դիմումը ներկայացնելու հաջորդ օրվանից մինչև 6 ամիս՝ անձի նախընտրությամբ օր: Կրճատվել են անվան փոխման գրանցման ժամկետները՝ մինչև 5 ամսից դարձվել է 15 օր: Հանվել են անվան փոխման համար կառավարության որոշմամբ սահմանված հիմքերը՝ հարգելի դեպքեր, օրինակ բարեհունչ անուն ընտրելը, դժվար արտասանելիություն կամ ՔԿԱԳ պետի որոշմամբ այլ դեպքեր: Ուղղագրական սխալների փոփոխման համար սահմանվել է կրճատ ժամկետ՝ մինչև 3 օր: Ընդ որում, առանձին տառերի, թվերի ուղղագրական սխալների փոփոխության համար պետական տուրքը հանվել է, ինչի արդյունքում քաղաքացիները ստիպված չեն լինի ժամանակ ու գումար ծախսել վրիպակների շտկման համար: Հանվել են պետական տուրքերը՝ ամուսնության համար: 

Այս թեմայով «Բորատի» աստղն ամուսնալուծվում է 14 տարվա ամուսնությունից հետո Լևոն Սարգսյանն ամուսնության առաջարկ է արել սիրելիին (տեսանյութ) «Ակվամեն»–ի աստղի կինն ամուսնալուծության հայց է ներկայացրել 18 տարվա ամուսնությունից հետո Ամուսնությունը բարձրացնում է արյան ճնշումը Սեւան համայնքում 2023 թվականի հունվարին գրանցվել է 15 ծնունդ, 17 ամուսնություն, 34 մահ 163 ամուսնություն, 28 ամուսնալուծություն, 327 մահ. Սևան համայնքի նախորդ տարվա վիճակագրությունը Անձին ամուսնության կամ երեխա ունենալուն հարկադրելը կպատժվի ազատազրկմամբ Սերը, որ հաղթեց մեր պարտված պատերազմին. Վրեժը կորցրեց տեսողությունը, բայց հասավ իր սիրուն․ Sputnik Արմենիա 44-օրյա պատերազմի ընթացքում տեսողությունը կորցրած հերոսը այսօր ամուսնանում է (լուսանկարներ) Արցախում կես տարում գրանցվել է 715 ամուսնություն