«Այո, նման խոսակցություն եղել է». Ռուսլան Իսրայելյանը՝ իր և Արայիկ Հարությունյանի հեռախոսազրուցի ձայնագրության մասին

«Այո, իմ խոսակցությունն է։ Ցավոք, չգիտեմ՝ ով է ձայնագրել», - այս մասին ԼՈՒՐԵՐ.com-ի հետ զրույցում ասաց Արցախի ԱԺ նախկին պատգամավոր Ռուսլան Իսրայելյանը՝ անդրադառնալով իր և Արցախի նախագահ Արայիկ Հարությունյանի հեռախոսազրույցի ձայնագրությանը, որը տարածվել է համացանցում:

Ըստ որոշ ենթադրությունների՝ ձայնագրությունն արվել է Ռուսլան Իսրայելյանի կողքին գտնվող անձի կողմից: Հետաքրքրվեցինք՝ արդյո՞ք միայնակ չի եղել զրույցի ընթացքում և արդյո՞ք բարձրախոսով է զրուցել Արայիկ Հարությունյանի հետ՝ ի պատասխան Ռուսլան Իսրայելյանն ասաց. «Փաստն այն է, որ նման խոսակցություն եղել է։ Իսկ թե ով է ձայնագրել և ինչպես, դա արդեն իմ հարցն է», - նշեց նա:

Հարցին, թե ձայնագրությունից պարզ է դառնում, որ Նիկոլ Փաշինյանը չի լսել իրենց՝ Արցախի համար օրհասական պահին օգնություն ուղարկելու խնդրանքը, Իսրայելյանը  պատասխանեց.
«Ես ոչ ոքի ոչինչ չեմ խնդրել», - ասաց Ռուսլան Իսրայելյանը:

Ավելի վաղ տեղեկացրել ենք, որ տելեգրամի «Mediaport» ալիքը տարածել է ԱՀ նախագահ Արայիկ Հարությունյանի և Ռուսլան Իսրայելյանի հեռախոսազրույցի ձայնագրությունը, որը հավանաբար եղել է 2020 թ․ նոյեմբերի 4-9-ին, երբ Ստեփանակերտից պաշտոնապես հայտարարեցին, որ Շուշին ընկել է։

Ստորև ներկայացնում ենք արցախյան բարբառով հեռախոսազրույցի սղագրությունը (սղագրությունը՝ Էդգար Էլբակեանի).

ՌՈՒՍԼԱՆ ԻՍՐԱՅԵԼՅԱՆ — Ամեն դեպքում պետք չէր հեռուստացույցով բարձր ասել (նկատի ունի, որ թշնամին 5 կմ է հեռու Շուշիից – Է․Է․)։ Մարդիկ…
ԱՐԱՅԻԿ ՀԱՐՈՒԹՅՈՒՆՅԱՆ — Հակառակը, թող զգաստանան, կռեվը շուտ կանգնացնեն ժամերի ընթացքում, մի քիչ քաղաքական բաների մեջ ընկնեն… Սպասում են՝ թորքերը Ստեփանակերտը վերցնեն… Էս անկյունի վրա քաշում են։
ՌՈՒՍԼԱՆ ԻՍՐԱՅԵԼՅԱՆ — Արայիկ եթե էնտեղից իրենք քեզ խանգարում են, ընդեղ փորձենք լուծենք հարցը։ Սրանց լավը ք****, եթե Ղարաբաղը կուզեք, գնանք, կտորենք բոլորին ընդեղ: Բացատրեցե՛ք, բացատրեցե՛ք, ասացեք՝ արա՛, այ՛ բ*** տղեք, եթե գանք տեղ, գալու ենք սաղին կտորենք՝ նիկոլ-միկոլ, կնգանով, մնգանով:
ԱՐԱՅԻԿ ՀԱՐՈՒԹՅՈՒՆՅԱՆ — 10 օր ա՝ ասում ում՝ մարդ տվեք՝ Ստեփանակերտը պահեմ։  
ՌՈՒՍԼԱՆ ԻՍՐԱՅԵԼՅԱՆ — Ու մարդ չեն ուղարկում։
ԱՐԱՅԻԿ ՀԱՐՈՒԹՅՈՒՆՅԱՆ — Տասը օր ա՝ ասում ում… Ստեփանակերտը մնացալ ա երկու կաղլեգու (կաղ մարդու) հույսին։ Սաղ «26»-ը (Ստեփանակերտի մատույցների «26-ի դիրքերը» – Է․Է․)  դատարկ ա
ՌՈՒՍԼԱՆ ԻՍՐԱՅԵԼՅԱՆ — Օնիկը ի՞նչ ա ասում։
ԱՐԱՅԻԿ ՀԱՐՈՒԹՅՈՒՆՅԱՆ — «26»-ով որ շուռ գան, հետեով մտնեն։ Ի՞նչ։
ՌՈՒՍԼԱՆ ԻՍՐԱՅԵԼՅԱՆ — «26»-ում մարդ ունենք ընդդղ ։
ԱՆԾԱՆՈԹ ՁԱՅՆ — Հենա ամեն ինչ դիտարկում ենք…
ԱՐԱՅԻԿ ՀԱՐՈՒԹՅՈՒՆՅԱՆ — Արա դե … երկու մարդ ունենք , երկու մարդոց  պոստ պահել ա լինու՞մ , քանի՞ մարդ են։
ՌՈՒՍԼԱՆ ԻՍՐԱՅԵԼՅԱՆ — Արայիկ, հիմա հրետանու կռիվ ա։ Կարևորը տեսնես՝ որտեղից են գալիս, դնես, խփես, էսօր հետևակով պեն բան պահելը դժվար ա։
ԱՐԱՅԻԿ ՀԱՐՈՒԹՅՈՒՆՅԱՆ — Արա, չի լինի, տենց են արել, որ հադլ են Շուշի։ Մինչև հիմա հասել են Շուշի, որտե՞ղ ենք հրետանով կռիվ անելու։ Կռիվ անելով հասել են Շուշի։
ՌՈՒՍԼԱՆ ԻՍՐԱՅԵԼՅԱՆ — Դե, դե երեկոյան զանգեմ, ասեմ զաստավով կալոննա ա բարձրանում, պտտվեն Զառիսլու, գնան բարձրանան Շուշի։ Հրետանին լռած։
ԱՐԱՅԻԿ ՀԱՐՈՒԹՅՈՒՆՅԱՆ — Ա, դե 40 անգամ ասում ես, ես էլ ասում եմ՝ չկա էլի, պրծած ա, պրծած ա։ Ոչ հրետանին ա կարում աշխատի, ոչ էլ… Ես ի՞նչ անեմ մերը ք****ը։ Թողեմ Ստեփանակերտ էլ մտնեն, պրծնի, ասին՝ «պա՜հ, բա ինչի չեք ասել, մենք ոգևորված, սաղ ազգը էն ա ոգևորված՝ Շուշին վերցնում ենք»։ Ոնց որ մայիսի 8-ը ինի 92 թվին։
ԱՆԾԱՆՈԹ ՁԱՅՆ — Կիրու մեր տենց բան չկա։ 
ՌՈՒՍԼԱՆ ԻՍՐԱՅԵԼՅԱՆ — Կարճ ասած, եթե տնաս քեզ խանգարում են, ասա… ես վերում եմ։
ԱՐԱՅԻԿ ՀԱՐՈՒԹՅՈՒՆՅԱՆ — Հա, լավ, դավայ։ Լյավ, կասեմ։

Սոնա Հարությունյան

Այս թեմայով Հայ մայրն այն առանցքն է, որի շուրջ հյուսվում է մեր երազած Հայրենիքի ցանկալի պատկերը. ԱՀ նախագահ «Պետք է մեկընդմիշտ մերժվեն այն առաջարկները, որոնք ժխտում են Արցախի ժողովրդի ինքնորոշման իրավունքը» Արցախի նախագահ Արայիկ Հարությունյանը մեկնել է Մոսկվա. 168.am Արայիկ Հարությունյանը Ճարտարում մասնակցել է բազմաֆունկցիոնալ մարզահամալիրի բացման հանդիսավոր արարողությանը Չենք պատկերացնում Արցախի ապագան առանց Ռուսաստանի Դաշնության ներկայության․ Արայիկ Հարությունյան «Իրավունք». Փաշինյանն ասել է՝ Արցախն ինքը թող որոշի իր արտաքին քաղաքականությունը Արայիկ Հարությունյանը կարևորել է Հայաստանի հետ համակարգված աշխատանքը «Հրապարակ». Ի՞նչ է փոխանցել Արցախի նախագահը, որ քաղաքական դաշտը գերադասում է լռել «Փաստ». Արցախում դժգոհ են Հարությունյանի երևանյան այցից ու Փաշինյանի հետ հանդիպումից Արարատ Միրզոյանը Արայիկ Հարությունյանին է ներկայացրել ԼՂ հարցի կարգավորման հեռանկարները