Արցախի սահմանին հակառակորդի հարձակումը սադրիչ գործողություն է նաև ՌԴ-ի դեմ. Դավիթ Բաբայան

«Պաշտպանության բանակի հարավային ուղղությամբ տեղակայված մարտական դիրքերից մեկի ուղղությամբ հակառակորդի հարձակումը սադրիչ գործողություն է նաև Ռուսաստանի Դաշնության դեմ»,- այս մասին ԼՈՒՐԵՐ.com-ի հետ զրույցում ասաց Արցախի նախագահի խորհրդական Դավիթ Բաբայանը:

Նրա խոսքով՝ ադրբեջանական կողմի սադրիչ գործողությունը կասեցնելու ժամանակ, բարեբախտաբար, զոհեր չենք ունեցել. «Այս գործողություններն ուղղված են ինչպես Արցախի, այնպես էլ Ռուսաստանի դեմ: Չի բացառվում, որ այդպիսի սադրիչ գործողությունների ադրբեջանական կողմը դիմի նաև հետագայում: Կարծում եմ՝ այդ դեպքում պատասխանը կոշտ է լինելու, այդ թվում նաև՝ ռուս խաղաղապահների կողմից»,- ասաց նա՝ նշելով, որ նախ հարկավոր է ճշտել, թե ինչ հանգամանքներում և ինչպես է եղել դեպքը:

Սակայն, Բաբայանը կարծում է, որ նմանատիպ գործողություններից կամ Բաքվում անցկացվող շքերթից պետք չէ մտահոգվել, քանի որ Արդբեջանի գործելաոճը վաղուց է հայտնի:

«Առավել կարևոր վտանգ են նեկայացնում Թուրքիայի և Ադրբեջանի հետհարաբերությունների բարելավման վերաբերյալ կոչերը»,-մտահոգություն հայտնեց Դավիթ Բաբայանը:

Ավելի վաղ հայտնել ենք, որ դեկտեմբերի 11-ին՝ ժամը 20:40-ի սահմաններում, ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ: Ծավալված փոխհրաձգության հետևանքով տարբեր աստիճանների հրազենային վիրավորումներ են ստացել 3 պահեստազորայիններ, սակայն նրանց կյանքին վտանգ չի սպառնում:

Ադրբեջանական լրատվամիջոցներն էլ փորձում են խեղաթյուրել իրականությունը, տեղեկություններ են տարածում, թե իբր Հադրութի հատվածում հայկական ուժերն են հարձակում կատարել, ինչի հետևանքով ադրբեջանցի զինծառայող է վիրավորվել: Սակայն ՊԲ-ն հերքել է ադրբեջանական քարոզչամեքենայի տարածած տեղեկությունը:

Դեպքի մանրամասները պարզելու համար կատարվում է քննություն:

Սոնա Հարությունյան

Այս թեմայով Ղրղզստանի նախագահն ու Ալիևը կայցելեն օկուպացված Արցախ «Զա՛րկ, երբ հալածում են քեզ». հրապարակում այրվեցին Թուրքիայի և Ադրբեջանի դրոշները (տեսանյութ) Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար ՀՀԿ-ն դիմել է ՌԴ-ին. կասեցնել ռուսական զորքի դուրսբերումը Հայաստանից Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ Արցախի Քարինտակ գյուղը Ադրբեջանը լիովին ջնջել է հողի վրայից