Նոր իրավիճակ. Փաշինյանը այլևս չի՞ վայելում ուժային բլոկի անվերապահ աջակցությունը

Թավշյա հեղափոխությունից հետո Նիկոլ Փաշինյանը ջանք ու եռանդ չէր խնայում իրենով անել դատական համակարգը և ուժային բլոկը: Արդյունքում` մենք լսեցինք պատերի տակ վնգստացող դատավորների մասին հայտարարությունները, դատավորներին վեթինգի ենթարկելու նախագիծը, Սահմանադրական դատարանի ուզուրպացիան: Տեսանք նաև, որ ոստիկանությունը և ԱԱԾ-ն վեր են ածվել Նիկոլ Փաշինյանի գրպանային կառույցների և կամակատարների, որոնք չեն խորշում կատարել նաև ապօրինի հրամաններ: ԱԱԾ երկու նախկին պետերը արդեն իսկ խոստովանել են, որ ստացել ապօրինի հրամաններ, սակայն հրաժարվել են կատարել և հենց այդ պատճառով էլ արդեն նախկին են:

Իսկ ի՞նչ իրավիճակ է այսօր: Ակնհայտ է, որ նոյեմբերի 9-ի կապիտուլյացիոն ակտը ստորագրելուց հետո Նիկոլ Փաշինյանը բախվել է մի շարք խնդիրների. այն է, նա այլևս չունի դատական համակարգի և ուժային բլոկի անվերապահ աջակցությունը:

Վերջին օրերին պարզ դարձավ, որ դատարանները հրաժարվում են կալանավորել ընդդիմադիրներին և, ըստ այդմ, Փաշինյանի մի շարք պլաններ կարելի է ասել տապալվեցին: Մեծագույն ճիգեր գործադրելու արդյունքում վարչապետին, կարծես թե, հաջողվել է գտնել 1-2 յուրային դատավորի, ովքեր դեռ պատրաստ են կատարել վերևից եկող հրամանները և իշխանությունների համար կարևոր բոլոր քրեական գործերը մակագրվում են հենց նրանց:

Ակնհայտ է, որ Փաշինյանը կորցնում է նաև ոստիկանական համակարգի աջակցությունը: Գրեթե ամեն օր պատվախնդիր սպաները համակարգից դուրս գալու դիմումներ են գրում, իսկ օրեր առաջ տեղեկություն տարածվեց, որ ոստիկանապետը, ով, ի դեպ, Փաշինյանի դասընկերն է, զգուշացրել է վարչապետին համակարգում առկա տրամադրությունների մասին և հայտնել, որ իրավիճակը կարող է դուրս գալ վերահսկողությունից:

Փաշինյանը չի վայելում նաև ԱԱԾ լիարժեք աջակցությունը:  Այնտեղ Փաշինյանին համարում են ժամանակի վրա խաղացող բախտախնդիր, որը երկիրը տանում է դեպի անդունդ։ Դրան զուգահեռ, ազգային անվտանգությունում այս օրերին ուշագրավ խմորումներ են ընթանում, որոնք առաջիկայում կարող են բեկումնային լինել: Դրան պետք է գումարել նաև ԱԱԾ պետի Մոսկվա կատարվող վոյաժները, որոնք չեն կարող չանհանգստացնել Փաշինյանին. Նա քաջ գիտակցում է, որ ԱԱԾ-ն այն կառույցն է, որը ի զորու է ցանկության դեպքում իրեն հեռացնել իշխանությունից: Թերևս դրանով են պայմանավորված այսօր տարածվող լուրերը առ այն, որ Փաշինյանը պատրաստվում է փոխել ԱԱԾ ղեկավարին:

Դատական համակարգի և ուժային բլոկի հանդեպ վերահսկողության կորուստը էլ ավելի հավանական է դարձնում վարչապետի հրաժարականը, քանի որ վերջինս, ըստ էության, մնում է առանց իր հիմնական հենարանների, որոնց ձևավորման վրա աշխատել է վերջին 2.5 տարիների ընթացքում…

Այս թեմայով Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ) Փաշինյանը չի պատրաստվում գնալ արտահերթ խորհրդարանական ընտրությունների Էսօր ժողովրդի մեջ մեծ անվստահություն կա. բերքաբերցին Փաշինյանին առաջարկեց նոր ընտրություններ անցկացնել (տեսանյութ) Ես սա անում եմ, որ ՀՀ-ն ի վերջո դառնա անկախ պետություն, ոչ թե ֆորպոստ․ Փաշինյան (տեսանյութ) Քաղաքացիների իրական վերաբերմունքը` «հեղափոխականներին» Փաշինյանի որոշմամբ՝ սահմանվել է Մեծ Բրիտանիայում ՀՀ դեսպանությանը կից ռազմական կցորդի հաստիք Փաշինյանի անթաքույց վախը՝ «կոնսենսուս մինուս մեկից»․ ի՞նչ են մեզ հասկացնում Մեր խնդիրն էն ա, որ Ոսկեպարում, Բաղանիսում, Կիրանցում տասնյակ տներ կառուցվեն․ Փաշինյան (տեսանյութ) Նոր մանրամասներ Փաշինյանի՝ Տավուշ կատարած այցից․ ինչ է ասել տեղի բնակիչներին