Ես կասկածներ ունեմ՝ այդ փաստաթուղթը ունի գաղտնի հավելյալ մաս. Աշոտ Մելքոնյան
ՀասարակությունՎազգեն Մանուկյանի հետ հանդիպմանը գտնվող պատմաբան, պատմական գիտությունների դոկտոր Աշոտ Մելքոնյանը իր ելույթի ժամանակ ասաց. «Մեկ ամիս է՝ ես մեկ հարցի պատասխան եմ փնտրում ու չեմ գտնում. խոսքը վերաբերում է նոյեմբերի 9-ի չարաբաստիկ փաստաթղթի, այսպես կոչված, հավելյալ գաղտնի մասին: Անընդհատ ինչ-որ բաներ են օրակարգ մտնում, որոնք մեզ համար անհասկանալի էին, և դրանց մասին մենք իմանում ենք Ադրբեջանից և Ալիևից»,- այս մասին ասաց Աշոտ Մելքոնյանը:
Ըստ վերջինիս՝ անհապաղ պետք է հանդիպել Մոսկվայի դեպսանի հետ կամ հանդիպումներ կազմակերպել Մոսկվայում՝ պարզելու գաղտնիքը. «Մենք կույր-կույր գնում եք մի տեղ, երբ չգիտենք, թե ինչ դավեր են նյութել մեր դեմ: Ես կասկածներ ունեմ՝ այդ փաստաթուղթը ունի գաղտնի հավելյալ մաս: Մեր իշխանությունների հավաստիացումները ինձ չեն բավարարում, ես ում դիմել եմ, հստակ պատասխաններ չեմ ստացել»,- նշեց պատմաբանը:
Վազգեն Մանուկյանը անդրադարձավ փաստաթղթին՝ ասելով, որ, ճիշտ է, դեսպանի հետ չի հանդիպել, բայց բավականին շատ մարդկանց հետ է հանդիպել, որոնք հավաստիացրել են, որ այդ հավելյալ գաղտնի մասը չկա փաստաթղթում. «Ով, ինչպես ուզում է, այդպես մեկնաբանում է: Մեր կողմը լռում է, իսկ Ադրբեջանը ասում է, ինչ ուզում է. ես չեմ կարող ասել»,- ասաց Վազգեն Մանուկյանը: