Ադրբեջանական կողմի հետ բանակցություններ են եղել Ջերմուկի ուղղությամբ, ճշտգրտվել են սահմանները․ քաղաքապետ. News.am

Ջերմուկի սարերի մոտ ադրբեջանական զինվորական մեքենաների կուտակումները եղել են շուրջ երկու շաբաթ առաջ, երբ ադրբեջանական կողմը հայ-ադրբեջանական նոր սահմանին է մոտեցել՝ սահմանները ճշտգրտելու եւ դիրքերը ամրապնդելու համար։ Այս մասին NEWS.am-ին հայտնեց Ջերմուկի քաղաքապետ Վարդան Հովհաննիսյանը՝ նշելով, որ այդ օրը ինքը նույնպես եղել է սահմանին, բանակցություններ են ընթացել երկու կողմերի միջեւ՝ սահմանազատման առնչությամբ։

«Ոնց որ մերոնք են բարձրացել մեքենաներով, այդպես էլ իրենք են եկել, ընդ որում իրենց մեքենաները չեն եղել միայն Ջերմուկի ուղղությամբ դիրքերը պահելու անձնակազմ տեղափոխող, այլ նաեւ հարակից ուղղություններով։ Հայկական կողմից եղել են զինվորականներ, բանակցությունները վարել ենք ՊԲ համապատասխան սպաները,  խորհրդային տարիների գծված սահմանով սահմանազատում է արվել, մեր բանակն էլ կանգնած է Հայաստանի սահմանին»,- ասաց քաղաքապետը՝ նշելով, որ Ջերմուկի ուղղությամբ սահմանը պահում են Քարվաճառից դուրս եկած բանակային ստորաբաժանումները։

Սահմանն այժմ, ըստ քաղաքապետի, 12 կմ է հեռու Ջերմուկ քաղաքից։ Այդ հատվածում ադրբեջանական վերահսկողության տակ են անցնում կրկին արոտավայրեր, որոնցից օգտվում են մոտակա գյուղերի բնակիչները։

Քաղաքապետի խոսքով՝ Ջերմուկի՝ սահմանամերձ դառնալուց հետո քաղաքի առօրյան չի փոխվել, առողջարաններն աշխատում են նախկինի պես։

Այս թեմայով Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը ստանում է իրեն պատկանող երկուսուկես գյուղ, Հայաստանը՝ անվտանգային ռիսկերի նվազեցում․ վարչապետի աշխատակազմ Արդարադատության միջազգային դատարանում ավարտվել են Հայաստանն ընդդեմ Ադրբեջանի գործով լսումները Ադրբեջանի Իլ-76 ինքնաթիռը թռել է Իսրայելի «Օվդա» ավիաբազա (լուսանկար)