«Փաստ». Նախապայման է դրել, որը կատարվել է

«Փաստ» օրաթերթը գրում է. «Արցախի անվտանգության խորհրդի քարտուղարի պաշտոնում Վիտալի Բալասանյանի նշանակումը հետաքրքիր զարգացումների է հանգեցրել։ Նախ՝ «Փաստ» թերթի տեղեկություններով, Բալասանյանը հայտարարել է, որ անիմաստ է համարում Արցախի նման փոքր երկրում ԱԽ քարտուղարի ահռելի աշխատակազմ պահելը, երկրորդ՝ վտանգավոր է համարում ծանոթ-խնամի սկզբունքով աշխատանքային թիմի ձեւավորումը։

Մեր տեղեկություններով, Բալասանյանը առաջիկայում հաստիքների կրճատումներ է կատարելու, իսկ աշխատակազմում պահելու է միայն պրոֆեսիոնալներին, այլ ոչ թե կուսակցական ֆունկցիոներներին։

Այս գործելաոճն անհանգստացրել է Բալասանյանի հետ առանց այդ էլ վատ հարաբերություններ ունեցող ԱԽ նախկին քարտուղար Սամվել Բաբայանին, որն իր քաղաքական թիմին աշխատանքով ապահովելու նպատակով 5-6 տասնյակի հասնող աշխատակազմ էր ձեւավորել, այնինչ նախկինում ԱԽ քարտուղարին 3-4 աշխատակից էր օգնում։

Սամվել Բաբայանին նաեւ զայրացրել է այն հանգամանքը, որ Բալասանյանին մեծ լծակներ են տրվել, եւ նա համարում է, որ դա արվել է իր հաշվին՝ նաեւ իր ազդեցությունը նվազեցնելու նպատակով։

Ի դեպ, Վիտալի Բալասանյանը ԱԽ քարտուղարի պաշտոնը ստանձնելով եւ ստանալով մեծ դերակատարություն՝ ունեցել է կարեւոր նախապայման՝ ցանկացած պահի ՀՀ իշխանությունների հասցեին ասել այն, ինչ համարում է ճիշտ։ Ստեղծված իրավիճակում Արայիկ Հարությունյանն այլ ելք չի ունեցել, քան ընդունել այդ նախապայմանը»:

Այս թեմայով «Հրապարակ»․ Վիտալի Բալասանյանը վերադարձել է Արցախ, իսկ Արա Սահակյանը դեռ հիվանդանոցում է Վիտալի Բալասանյանը ստենտավորվել ու դուրս է գրվել «Էրեբունի» ԲԿ–ից Ստեփանակերտ մտնող ջրի ծավալները կտրուկ կրճատվել են. Վիտալի Բալասանյանը խորհրդակցություն է անցկացրել Վիտալի Բալասանյանն աշխատանքային խորհրդակցություն է անցկացրել Խորհրդակցություն՝ Արցախի անվտանգության խորհրդում․ քննարկվել է խմելու ջրի հետ կապված խնդիրը Արցախում մենք դարեր շարունակ ունեցել ենք Ռուսաստանի աջակցությունը. Վիտալի Բալասանյան Վիտալի Բալասանյանը՝ Գորիսում «Հայաստան» դաշինքի հանրահավաքին Պատերազմի պատճառած արհավիրքները մեծապես խաթարել են նաեւ երեխաների խաղաղ կյանքը. Վիտալի Բալասանյանի ուղերձը Վիտալի Բալասանյանը պատվաստվել է կորոնավիրուսի դեմ Արցախի անվտանգության խորհրդի քարտուղարն անցկացրել է աշխատանքային խորհրդակցություն