Գերիները հիվանդանոցում են. երբ կլինի հաջորդ փոխանակումը. մանրամասներ

Օրեր առաջ Ադրբեջանից վերադարձած 45 հայ գերիները Հայաստան ժամանելուց անմիջապես հետո առողջապահական անհրաժեշտ հետազոտություններ են անցել, բոլորն էլ գտնվում են բժիշկների հսկողության ներքո՝ համապատասխան աջակցություն ստանալու: Այս մասին ԼՈՒՐԵՐ.com-ի հետ զրույցում հայտնեց ՀՀ փոխվարչապետ Տիգրան Ավինյանի խորհրդական Վահան Հունանյանը:

Սակայն չցանկացավ նշել, թե առողջական ինչ խնդիրներ են առկա հայրենիք վերադարձած գերիների մոտ՝ ասելով, որ դա անձնական տեղեկություն է, ուստի չի կարող հայտնել: Նրա խոսքով՝ բոլոր գերիների հարազատները տեղեկացվել են նրանց վերադարձի մասին:

Հունանյանից հետաքրքրվեցինք՝ արդյոք այս պահին Հայաստանում կա՞ն ադրբեջանցի գերիներ, որոնք փոխանակվելու են «բոլորը՝ բոլորի դիմաց» պայմանավորվածության համաձայն. «Հայաստանում կան ադրբեջանցի գերիներ, որոնք ամենայն հավանականությամբ կփոխարինվեն մեր գերիների հաջորդ խմբի հետ: Թե ինչպես կլինի դա՝ կորոշվի բանակցային գործընթացների ընթացքում»,- նշեց նա:

Հունանյանը դժվարացավ ասել, թե երբ կլինի հաջորդ փոխանակումը. «Այս պահին ժամկետ չեմ կարող նշել, քանի որ հայտնի չէ, բայց ինտենսիվ բանակցություններ են ընթանում դրա իրականացման համար», - նշեց նա: 

Ինչ վերաբերում է մամուլում տարածված տեղեկություններին, թե գերիների հետ Հայաստան է տեղափոխվել նաև դի՝ Հունանյանը հերքեց՝ վստահեցնելով, որ մահացած անձ չի եղել: 

Հիշեցնենք՝ դեկտեմբերի 14-ին, «բոլորը՝ բոլորի դիմաց» սկզբունքով մեկնարկել է գերիների փոխանակումը։ Հայկական կողմը Ադրբեջանին է հանձնել 12, ադրբեջանական կողմը Հայաստանին՝ 45 անձի։

Սոնա Հարությունյան

Այս թեմայով Չորս գյուղ իրական Հայաստանից դարձավ պատմական Հայաստան․ պատմաբան Կա՞ն մարդիկ, ովքեր ցանկանում են ապրել այնպիսի Հայաստանում, որտեղ չեն ընդունում պատմական Հայաստանը․ Խոջաբաղյան Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը ստանում է իրեն պատկանող երկուսուկես գյուղ, Հայաստանը՝ անվտանգային ռիսկերի նվազեցում․ վարչապետի աշխատակազմ Արդարադատության միջազգային դատարանում ավարտվել են Հայաստանն ընդդեմ Ադրբեջանի գործով լսումները ԵՄ փոխդեսպանին են ներկայացվել մարդու իրավունքների ոլորտում Հայաստանում գնալով ահագնացող խնդիրները Ադրբեջանի Իլ-76 ինքնաթիռը թռել է Իսրայելի «Օվդա» ավիաբազա (լուսանկար) Ադրբեջանը քանդել է օկուպացված Շուշիի «Կանաչ ժամ» եկեղեցին Կոչ ենք անում ԵԽ–ին և ԵԱՀԿ-ին՝ դատապարտել խոսքի ազատության ճնշումը Հայաստանում․ EFJ ԵՄ–ում արձագանքել են Արցախից ռուս խաղաղապահների վաղաժամ հեռանալուն