Փաշինյանը մեզ համոզում է, որ Գորիս-Կապան ճանապարհը պետք է անցնի նաև Ադրբեջանի տարածքով. Արտակ Զաքարյան

ՀՀԿ խորհրդի անդամ, ՀՀ պաշտպանության նախկին փոխնախարար Արտակ Զաքարյանը ֆեյսբուքյան իր էջում գրում է.

«Պարտության մեղքը Բանակի վրա գցելու Նիկոլի բոլոր փորձերը դատապարտված են

Մի քանի դիտարկումներ Նիկոլի՝ ազատություն ռկ-ին տրված մանիպուլյատիվ հարցազրույցից: Նույնիսկ պատերազմից հետո, այս մարդը չի թարգել իր խաբեություներն ու մարդկանց հիմարի տեղ դնելու գործելաոճը: Անուղղելի է:

1. Այս պատերազմից հնարավոր էր խուսափել և դա անվիճելի է (պատրաստ եմ ցանկացածի հետ հրապարակային բանավիճել այս թեմայով): Դրա համար ընդամենը պետք չէր 2,5 տարի սադրել, աղավաղել ու փակուղի տանել խաղաղ բանակցային գործընթացը:

2. ՀՀ վարչապետը չունի առաջնային մանդատ և ժողովուրդը նրան ուղիղ չի ընտրել: ժողովուրդն իր իշխանությունը լիազորել է միայն Ազգային Ժողովին: Ազգային Ժողովն իրավունք ունի անվստահություն հայտնել և փոխել վարչապետին: Այնպես, որ Նիկոլը, չէ ժողովրդի իշխանության մարմնավորողը կամ առավել ևս նրա պահապանը:

3. Պատերազմում պարտվել և հսկայական զոհեր, կորուստներ ենք տվել առաջին հերթին Նիկոլի և իշխանությունների անփույթ, քաոսային, խաբեբա, հանցագործ կառավարման արդյունքում:

4. Ընդդիմության միասնական թեկնածուին ադրբեջանի հետ “համահունչ” տեսնելուց առաջ, նախ պետք է խորությամբ ուսումնասիրվի Նիկոլի ու իլհամի հնարավոր մութ գործարքների շուրջ խորացող կասկածները:

5. Էդ նոր հասկացա՞վ, որ ինքը չպե՛տք է առանց դատարանի վճռի մարդկանց կոռուպցիոներ համարի: Բա ինչո՞ւ է ամբողջ կյանքում մարդկանց հասցեին հանիրավի մեղադրանքներ հնչեցրել:

6. Այո, Բանակում նոր մարդ չի հայտնվել, բայց բանակն անխնա օգտագործվել է Նիկոլի սեփական քաղաքական փիարի համար: Բանակի ու նրա գեներալների պատիվն ու համբավը բազմիցս արատավորվել է գերագույն գլխավոր հրամանատարի կողմից: Բանակի բարոյա-հոգեբանական վիճակն ու հանրային վստահությունը խաթարել են անձամբ Նիկոլն ու նրա սորոսածին հավաքացուն: Բանակի արդիականացման խնդիրները շեղվել են, որովհետև կառավարության ղեկավարը բանակից ու անվտանգությունից բան չի հասկանում: Բանակը բարոյալքվել է, որովհետև չհիմնավորված կոչումներ ու շքանշաններ են բաժանվել՝ հավատարմության դիմաց:

7. Մանիպուլյացիայի վարպետը իր հասցեին արված ուղիղ մեղադրանքները համարում է մանիպուլյացիա:

8. Պետության սահմանները սովետական քարտեզներով ճշգրտող վարչապետը, այն աստիճանի է կործանել Հայ ժողովրդի զավակների արյունով ձեռքբերված հսկայական անվտանգության գոտիները, որ այսօր մեզ համոզում է, որ Գորիս –Կապան ճանապարհը պետք է անցնի նաև ադրբեջանի տարածքով:

9. Պատերազմող զորքերի շրջանում խուճապային լուրեր տարածողների փաստեր եթե կան, ինչպես ասում է Նիկոլը, ուրեմն թող հրապարակի անունով, օրով, փաստով, տեղով, վկաներով: Սա շատ կարևոր հանգամանք է, թող մաքրի իր վրայից դավաճանի պիտակը, կամ ինչպես ասում է՝ թող հայտարարի, թե ովքե՞ր են իր համադավաճանները:

10. Եվ վերջապես: Այս պատերազմը հարցեր շատ ունի և՛ նախապատերազմական, և՛ պատերազմական, և՛ հետպատերազմական ժամանակահատվածների վերաբերյալ: Նիկոլից հետո է միայն հնարավոր այն օբյեկտիվ, մանրամասն ու ամբողջությամբ ուսումնասիրել: Եթե մեր պետությունը, մինչև վերջին դետալը չպարզաբանի այս ողբերգության, այսքան զոհերի ու Հայրենիքի կորստի պատճառներն ու խոչընդոտող հանգամանքները, ուրեմն մենք դատապարտված ենք ինքնության ու արժանապատվության վերջնական կորստի»:

Այս թեմայով Նիկոլը վերջացել է․ երեկ ԱԺ ամբիոնի մոտ կանգնած էր նրա ֆուտլյարը․ Արտակ Զաքարյան Երևանում պայթելու է համաժողովրդական ցասումը․ Արտակ Զաքարյան Ես կհարգեի այն պաշտպանության նախարարին, որը ստեղծված իրավիճակում հրաժարական տար. Արտակ Զաքարյան Մեզ կերակրում են հայտարարություններով, իսկ կուլիսներում բանակցում են Բաքվի հետ․ Արտակ Զաքարյան Ազերիները «արգումենտներ» են հավաքագրում` ռուսական խաղաղապահ առաքելության մանդատը չհաստատելու համար «Ստեփանակերտի հանրահավաքից հետո Ադրբեջանը ուշքի չի գալիս ու տեղեկատվական վայնասունը չի կտրվում» «Նիկո´լ, քո մորթապաշտ տեսակն է հասցրել նրան, որ այսօր հայտարարում են, որ Ղարաբաղը Ադրբեջանի մաս է» Սյունիքը Հայաստանի ողնաշարն է, որն այսօր կրկին ձեռք է բերել աշխարհաքաղաքական նշանակություն․ Զաքարյան «Քա´յլ արա, մերժի´ր Սերժին» լոզունգի հետևանքը Բերձոր, Աղավնո, Սուս բնակավայրերի հանձնումն էր Ադրբեջանին. Զաքարյան Նիկոլի արտաքին տերերին պետք է, որպեսզի Հայաստանում շրջանառության մեջ լինել կեղծ օրակարգերը