Ստեփանակերտ վերադարձող ադրբեջանցիների թվի մասին ոչինչ ասել չենք կարող. Նիկոլ Փաշինյանի խոսնակ

Նոյեմբերի 10-ին Արցախում պատերազմը դադարեցնելու մասին եռակողմ հայտարարության մեջ փախստականների վերադարձի կետ կա. թե քանիսն են վերադառնալու՝ հայկական կողմն ասել չի կարող, PanARMENIAN.Net ին ասաց վարչապետի խոսնակ Մանե Գևորգյանը։

«Դեկտեմբերի 17-ին Ադբեջանի պետական վիճակագրական ծառայությունը հայտարարել էր, թե Ստեփանակերտ է վերադառնալու 12,024 «փախստական»: Գևորգյանից ճշտում էինք նախ լուրի հավաստիությունը, ապա՝ վերադարձողների մոտավոր թվի մասին տեղեկությունը։

«Ես չեմ կարող ձեր հարցին պատասխանել։ Ադրբեջանցիները հայտարարել են, որ 12,000 փախստական է վերադառնալու, ես այդ հարցին ո՞նց պատասխանեմ։ Եռակողմ հայտարարության մեջ կա կետ, որով փախստականները վերադառնալու են այն տարածքներ, որտեղ որ պետք է վերադառնան, բայց թվաքանակի մասով կամ բան, ես ոչ Ադրբեջանում եմ, ոչ Ադրբեջանն եմ ներկայացնում»,- ասաց նա։

Մեր ճշտող ու հայկական կողմից մեկնաբանությունը վերջնական հստակեցնող հարցը, թե այնուամենայնիվ այդ հայտարարության մեջ փախստականների վերադարձի նախապայման կա, սակայն թվաքանակի վերաբերյալ հայկական կողմը որևէ բան ասել չի կարող, Գևորգյանը նախ ընդհատեց՝ հարցնելով՝ ընթերցե՞լ ենք արդյոք հայտարարությունը, դրական պատասխանից հետո հորդորեց վերընթերցել՝ պնդելով, թե այդ դեպքում մեզ մոտ նման հարց չի ծագի։

Վերընթերցեցինք. ըստ նոյեմբերի 10-ի եռակողմ հայտարարության՝ ներքին տեղահանված անձինք և փախստականները վերադառնում են Լեռնային Ղարաբաղի տարածք ու հարակից շրջաններ ՄԱԿ-ի Փախստականների հարցերով գերագույն հանձնակատարի գրասենյակի վերահսկողության ներքո:

Մյուս հարցերի պատասխանները, որոնք, մասնավորապես, վերաբերում էին փախստականների վերադարձի պայմանների հստակեցմանը, նրանց՝ հայկական Ստեփանակերտում հայերի հետ համատեղ բնակվելու հնարավորությանն ու ժամկետներին, եռակողմ հայտարարության մեջ չկան: Դրանց վերաբերյալ ճշտումներ PanARMENIAN.Net ը կփորձի ստանալ Արցախից։

Արցախի նախագահի մամուլի խոսնակ Վահրամ Պողոսյանը, անդրադառնալով ադրբեջանցի 12,024 փախստականի վերադարձի մասին «Վեստնիկ Կավկազա» աղբյուրի հրապարակմանը հայտարարել է, թե դա «բացարձակ հիմարություն է, որը ադրբեջանական քարոզչամեքենան դիտավորյալ կերպով տարածում է՝ մեր հանրության շրջանում այս օրերին առկա լարված տրամադրություններն ավելի մեծացնելու համար»»,-գրում է լրատվամիջոցը:

Այս թեմայով Մանե Գևորգյանը՝ ՊՆ խոսնակ Այս պահի դրությամբ ՀՀ-ի և Թուրքիայի միջև որեւէ շփում տեղի չի ունեցել. Մանե Գևորգյան Մանե Գևորգյանը 2020-ին պարգևատրվել է 3,7 մլն դրամով. Tert.am Մի փոքր ցածր էլի, ձեր ձայները լսվում են ԱԽ նիստին․ Մանե Գևորգյանը՝ լրագրողներին Ինչ sms է ստացել Մանե Գևորգյանը․ «Ժողովուրդ» «Ժողովուրդ». Մանե Գևորգյանը պետք է հեռանա Պուտինի հետ նախատեսված հանդիպմամբ պայմանավորված՝ Փաշինյանն աշխատում է ինքնամեկուսացման պայմաններում Մանե Գևորգյանը՝ Աննա Հակոբյանի վերաբերյալ Տարոն Չախոյանի սկանդալային ձայնագրության մասին. «Փաստինֆո» Մանե Գևորգյանը հայտնել է ՄԻՊ-ին կառավարության նիստերին չհրավիրելու պատճառը Նիկոլ Փաշինյանն այսօր կհանդիպի նախագահին․ Մանե Գևորգյան