«Ժողվարչապետից»՝ Եռաբլուրը գրոհով «վերցնող» վարչապետ. Փաշինյանի տրանսֆորմացիան

Նիկոլ Փաշինյանը այսօր սգո երթ էր կազմակերպել Եռաբլուր զինվորական պանթեոն՝ հարգելու Արցախյան պատերազմում զոհված տղաների հիշատակը: Սգո երթը, սակայն, շատ տարակուսելի ստացվեց՝ վերածվեց վարչապետ Փաշինյանի բենեֆիսի, քանի որ ակնհայտ վարչական ռեսուրսով հավաքված մասնակիցները մերթ ընդ մերթ վանկարկում էին՝ Նիկոլ վարչապետ, կարծես մոռանալով, թե ինչի համար են հավաքվել: 

Հեղափոխությունից հետո Նիկոլ Փաշինյանը հպարտանում էր, որ միակ ղեկավարն է ՀՀ նորանկախ պատմության մեջ, ով հեծանիվով  է գնում աշխատանքի: Այժմ կարող ենք փաստել, որ Նիկոլ Փաշինյանը ՀՀ միակ ղեկավարն է, ով սեփական ժողովրդի մեջ է դուրս գալիս հարյուրավոր թիկնապահներով շրջապատված, զրահապատ մեքենաներով, շենքերի կտուրներին տեղակայված անթիվ դիպուկահարներով, անձրևանոցներում պահված զենքով, Երևանի մեկ կետից մյուսը հասնելու նպատակով՝ ամբողջ Երևանը փակելով: Ժողվարչապետը, ընդամենը, 2.5 տարում դարձավ սեփական ժողովրդից վախվորած դասական պաշտոնյայի: 

Նիկոլ Փաշինյանը միակ վարչապետն է, ով ստիպված է եղել գրոհով վերցնել Եռաբլուրը, թավշյա ոստիկանապետության լավագույն ավանդույթներով ոտնակոխ անելով այնտեղ հավաքված ժողովրդին, վիրավորելով ազատամարտիկներին, զոհված տղաների կանանց, երեխաներին, մայրերին: Նիկոլ Փաշինյանը կրկին ապացուցեց, որ չունի կարմիր գծեր և իր իշխանությունը պահելու համար չի խորշելու գնալ քաղաքացիական պատերազմի: Անշուշտ նա ուներ ընտրություն՝ գնալ այս երթին, թե ոչ: Նա նախընտրեց գնալ՝ ապացուցելու համար «հանրային աջակցության» մակարդակը, այդ ընթացքում կազմակերպելով սեփական մեծարման երեկոն, այդ նպատակով գործի դնելով Լեյլա տատիկին և վարչական ռեսուրսի գործադրմամբ հավաքված անձանց: Փաշինյանը չի հրաժարվում հասարակությանը պառակտելու իր ծրագրից, սևերին ու սպիտակների բաժանելուց հետո այժմ էլ հանրությունը բաժանվում է էլիտայի ու այսպես կոչված՝ ժողովրդի:

Այս ամենը խոսում է միայն մեկ բանի մասին՝ Մարտի 1-ի ծրագիրը շարունակվում է, արդեն Նոր Հայաստանում...

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Ադրբեջանը քանդել է օկուպացված Շուշիի «Կանաչ ժամ» եկեղեցին Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետք է Նիկոլի հարցը լուծենք, որ պարզ էրեսով կարողանանք գնալ «Եռաբլուր»՝ մեր տղերքի մոտ. Չախալյան