Արցախում մոտ երեք ամսում կորոնավիրուսի վարակը հաստատվել է 1130 մարդու մոտ

Արցախում այս տարվա հոկտեմբերի 1-ից առայսօր կորոնավիրուսի վարակի թեստավորման նպատակով 2585 նմուշառում է իրականացվել: Նոր կորոնավիրուսային վարակը հաստատվել է 1130 մարդու մոտ: Գերատեսչության «Համաճարակաբանության և հիգիենայի կենտրոն» ՊՈԱԿ-ի մասնագետների կողմից նոր կորոնավիրուսային վարակի (COVID-19) տարածման կանխարգելման նպատակով Արցախում շարունակվում են հակահամաճարակաբանական միջոցառումները: Ըստ այդմ՝  իրականացվում է օրական 60-70 նմուշառում: Լաբորատոր հետազոտության արդյունքներով դրական հաստատված դեպքերից թեթև հիվանդները տնային ամբուլատոր բուժում են ստացել, իսկ ծանր ձևերը՝  ստացիոնար պայմաններում:

«Հոկտեմբերի 1-ից մինչև դեկտեմբերի 21-ը,  Ստեփանակերտի Հանրապետական բժշկական կենտրոնում կորոնավիրուսային հիվանդությամբ ստացիոնար բուժում է  ստացել 232 հիվանդ, ապաքինվել է 129 քաղաքացի: Ներկայումս բուժում է ստանում 60 հիվանդ: Գրանցվել է մահվան 30 դեպք, որոնց մեծամասնությունը տարեցներ են, որոնք ունեցել են կորոնավիրուսային վարակ, սակայն մահը վրա է հասել քրոնիկ ուղեկցող հիվանդության և պոլիօրգանային անբավարարության պատճառով։ Ստեփանակերտի «Արևիկ» բուժմիավորման ինֆեկցիոն բաժանմունքում բուժում է ստացել 51 հիվանդ, որից 48-ը դուրս է գրվել առողջացած, իսկ 3-ը` առողջական վիճակի վատացման պատճառով տեղափոխվել է Հանրապետական բժշկական կենտրոն: «Համաճարակաբանության և հիգիենայի կենտրոն»-ի մասնագետների կողմից կատարվել են ախտահանման աշխատանքներ հաստատված օջախներում, սննդի օբյեկտներում, դպրոցներում և մանկապարտեզներում»,-նշված է Արցախի առողջապահության նախարարության հաղորդագրության մեջ:

Գերատեսչության տեղեկատվությամբ՝ Ստեփանակերտի «Արևիկ» բուժմիավորման ինֆեկցիոն մասնաշենքի տարածքում տեղադրվել է շարժական ֆլյուրոգրաֆ սարք:

Այս թեմայով Ինչ եղավ Արցախում, այսօր Տավուշում է լինում, կոմունիկացիաները կանցնեն թշնամու վերահսկողության տակ ԱՄՆ-ի Օկլահոմա Սիթիում հինգ մարդու դի է հայտնաբերվել ՄԻՊ-ը կգնա ԱԱԾ մեկուսարան՝ Դավիթ Տոնոյանի հետ հանդիպելու Սահմանազատման երեք տարբերակ է քննարկվել․ «Հրապարակ» Ռուսաստանում առաջիկա ամսում հրաժարականներ են սպասվում. Ведомости Երևանից եմ, երեք օր է՝ այստեղ եմ, պայքարում եմ մեր սահմանների անխախտության համար (տեսանյութ) Բագրատ Սրբազանը հանուն հայրենիքի Արցախում էր, հիմա՝ Տավուշում «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Մարդու ուղեղում կիստա կա, բայց հնարավոր չէ իմանալ՝ իրենն է, թե տիպային կիստա է «քսերոքս» արած