«Երբ մարդիկ փախչում են իրականությունից...». Թեհմինա Վարդանյանը` Ալեն Սիմոնյանի մասին
ԲլոգոսֆերաԵրևանի ավագանու Լույս խմբակցության անդամ Թեհմինա Վարդանյանը Ֆեյսբուքի իր էջում գրել է.
«Երբ մարդիկ փախչում են իրականությունից...
Ինձ առօրյայում ճանաչողները գիտեն, որ Ալենի հետ ընկերներ ենք եղել: Ընկերներ ենք եղել, գոնե իմ պատկերացմամբ, բառիս բուն իմաստով: Ընկերներ, ովքեր անկախ քաղաքական վայրիվերումներից, մինչև պատերազմական իրավիճակը, պարբերաբար հանդիպել են և երբեք չեն խորշել իրար մասին և միմյանց քաղաքական ուղղվածությունների մասին ասել տեսակետ, քննարկել և երբեմն վիճել: Երբևէ թույլ չեմ տվել անգամ մարդկանց, ովքեր ատում են Ալենին, իմ ներկայությամբ բացասական բառ անգամ ասել նրա հասցեին` ասելով, որ իմ ընկերն է: Դա գիտեն բոլորը:
Այսօր նկատեցի, որ Ալենը ինձ հեռացրել է ընկերների ցանկից` ենթադրում եմ, որ չտեսնի գրառումներս:
Ալե´ն, ցավում եմ քո համար, անկեղծորեն ցավում եմ... Ես շարունակում եմ դուրս գալ, քայլել Երևանի փողոցներով, շփվել մարդկանց հետ, շարունակելու եմ գնալ Կասկադ, սրճարաններից մեկում սուրճ խմել, շարունակելու եմ ապրել Երևանում... Ցավում եմ, որ դու գուցե նման հնարավորություն չունենաս, ես էլ ` քեզ տեսնելու հնարավորություն: Եթե մի օր ինչ-որ կետում մենք հանդիպենք, չեմ խոսելու, լռելու եմ, լուռ նայելու եմ աչքերիդ մեջ: Միշտ խոսել եմ, ասել եմ` ի՞նչ եմ մտածում, թե´ լավ, թե´ վատ: Բայց այս անգամ լռելու եմ: Վստահ եմ` գիտես` ի՞նչ եմ մտածում: Ինձ ընկերներից հեռացնելով իրականությունից չես փախչի: Չգիտեմ էլ` ի՞նչ անուն կարելի է տալ արարքիդ: Ցավում եմ Ալե´ն, անկեղծորեն ցավում եմ...
Ալե´ն, это не по-мужски!!!»: