Գուցե դու նոր Ադրբեջան ես կառուցո՞ւմ` Նոր Հայաստանի փոխարեն. Արփինե Հովհաննիսյանը՝ Նիկոլ Փաշինյանին

«Իրավական կրթություն եւ վերահսկողություն» ՀԿ ղեկավար Արփինե Հովհաննիսյանը ֆեյսբուքյան գրառում է արել, որում մի շարք հարցեր է ուղղում Նիկոլ Փաշինյանին։ Գրառումը՝ ստորեւ․

Ի հավելումն երեկվա հարցերիս՝ մի քանի հարց էլ տամ, ասեք թող պատասխանի։

1. «Վարչատարածքային բաժանման մասին» ՀՀ օրենքը անգամ երկրի ներսի համար անգամ ոչ մի պարտականություն չէր սահմանում, էլ ուր մնաց երկրի դրսի համար։ Հատկապես, որ կապիտուլյացիա ստորագրած դավաճանը փաստաթղթում ինքն է համաձայնվել, որ կողմերը կանգնեն այնտեղ, որտեղ կանգնած են։ Բա էլ ինչու՞ են ադրբեջանցիները կանգնած տեղից առաջ գալիս։

2. Աշխարհում էլ որտե՞ղ կա երկիր ու վարչապետ, որ իր ներսի վարչական միավորների բաժանման օրենքը դնում է միջազգային իրավական սահմանագծման հիմքում։ Դա այն դեպքում, երբ առանց համապատասխան հատուկ փաստաթղթի ՈՉ մի երկրում սահման չի գծվում ու չի փոխվում։ Հայաստանի ու Ադրբեջանի միջեւ նման փաստաթուղթ չկա։ Չի եղել։ Երբեք։ Պատասխան՝ չկա նման երկիր։

3. Աշխարհում էլ որտե՞ղ կա վարչապետ, որ իր երկրի հազարավոր քաղաքացիների գլուխը կերած թշնամուն ավելի է սիրում, քան իր երկրի որեւէ նախկին իշխանության ու թշնամու շահի ապասարկման համար տիեզերական մասշտաբի անգրագետ փաստարկ է բերում։ Պատասխան՝ ոչ մի։

4. Այդ ինչպե՞ս պատահեց, որ այդ օրենքը 11 տարի գործեց, աշխատեց, ոչ ոք անգամ չիմացավ այդ օրենքի գոյության մասին , անգամ Ադրբեջանը չիմացավ, որ ինքը «ճանաչված սահման ունի», իսկ դու ու պապիկյանը հանկարծ տեղեկացաք այդ մասին։ Պատասխան՝ քանզի Ադրբեջանը եւս ունի նման օրենք ու իր երկրի ոչ մի՝ անգամ տգետ պաշտոնյայի մտքով չի անցել մեկնաբանել դա որպես պետական սահման։ Քանզի պետական սահման Հայաստանի ու Ադրբեջանի միջեւ չկա։

5. Եթե մի պահ պատկերացնենք, որ ասածիդ մեջ 0.1 տոկոսի ճշմարտություն կար (չկա!!!) եւ այդ օրենքը խանգարում էր քեզ, ով էր ձեռքդ բռնել, փոխեիր։ Դե որովհետեւ նորմալ, անգամ աննորմալ երկրներում այդ օրենքը ՄԻԱՅՆ երկրի ներսի համար է նախատեսված։

6. Արցախը նշված չէր իր սահմանակից մասերով, քանզի Արցախը ճանաչված չէր ՊԱՇՏՈՆԱՊԵՍ։ Ու այն ժամանակ դա պատերազմի պատճառ կդառնար։ Հիմա էլ պնդում ենք դա Արցախն է, այն Արցախը, որ շենացրինք, այն Արցախը, որ քեզ համար «ԼՂՀ հսկողության տակ» գտնվող տարածք էր, իսկ մեզ համար հայրենիք։ Դու պատերազմը Արցախ բերեցիր։ Ու հետեւաբար՝ դու ունեիր ամենալեգիտիմ փաստարկը ճանաչելու Արցախը, բայց չարեցիր։ Ինչու՞:

Եվ վերջապես՝ ինչու՞ է ինձ թվում, որ այս ամենն արվում է, քանզի մեզ սպասվում է շոկի ու նվաստացման վերջին սերիան։

Գուցե՞ դու Ալիեւին խոստացել ես իր ուզածները տալ ու հետո, որպես վերջին նվաստացում ինքդ էլ քո հանձնածը ճանաչել որպես Ադրբեջանի սահմանագծված նոր տարա՞ծք։ Գուցե դու նոր Ադրբեջան ես կառուցու՞մ։ Նոր Հայաստանի փոխարեն։ Գուցե՞ դրա համար ես Ալիեւից ավելի մուսուլման ու ճանաչում ես սովետական Ադրբեջանի քարտեզը, երբ ինքը Ադրբեջանը դա չի ճանաչում։ Այո, ճիշտ լսեցիք, չի ճանաչում։

Այս թեմայով Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան Որպեսզի Երևանի փողոցներում հարյուր հազարներով մարդիկ կանգնեն կողքիդ, պետք է ասել, թե ինչ պետք է անել. Հովհաննիսյան Ինչպես են ձևավորվում Դեր Զորի ճանապարհը և Լաչինի միջանցքը․ Վահե Հովհաննիսյան Մեր պետությունը մեծ դրեյֆի մեջ է, պատկերացրեք՝ բաց ծովում ինքն իրենից անկախ գնում է․ Հովհաննիսյան «Արցախի հանձնման մասին էլ ... չի խառնվել»․ Նազենի Հովհաննիսյանը՝ Տիգրան Մանսուրյանի հարցազրույցի մասին Ամսի 5-ին հայ ժողովրդին կառաջարկվի արևմտյան կոնֆետ՝ Ռուսաստանի և Իրանի հանդեպ «սառնության» դիմաց. Վահե Հովհաննիսյան Շահրամանյան Սամվելը դրսևորում է գործակալական պահվածք, ինչը պետք է գրավի համապատասխան կառույցների խիստ ուշադրությունը. Հովհաննիսյան Սա 4 գյուղի խնդիր չէ, սա մեկ հոգու խնդիր է, որը դեֆորմացրել է պետությունը․ Վահե Հովհաննիսյան Հայաստանը մտնում է այլանդակ փուլ. օդում կախված են բոլոր աննորմալ-վտանգավոր սցենարները. Հովհաննիսյան Իրավիճակը ՀՀ-ում զարգանում է ծայրահեղ վտանգավոր սցենարով. Հովհաննիսյան