Այսօր այն օրն է, որին ես սպասում էի անհամբերությամբ, որ տեսնեմ Արիանայի ժպիտը. Լևոն Արոնյանի գրառումը՝ Արիանա Կաոլիի ծննդյան օրվա կապակցությամբ

Հայաստանի շախմատի հավաքականի առաջատար Լևոն Արոնյանը կնոջ՝ Արիանա Կաոիլիի ծննդյան օրվա կապակցությամբ գրառում է կատարել, որը ներկայացնում ենք ստորև․

«Այսօր այն օրն է, որին ես սպասում էի անհամբերությամբ, որ տեսնեմ Արիանայի ժպիտը, լսեմ, թե ինչպես է նա ուրախությամբ ասում․ «Այսօր իմ ծնունդն է», տեսնեմ, թե ինչպես է նա բացում իր նվերները ու հատուկ դարձնեմ այս օրը նրա համար։

Վերջին տարիներին ես հազվադեպ եմ նշում իմ ծննդյան օրը։ Մրցաշարեր, մարզումներ, ինչ-որ կերպ ինձ համար դա մեծ նշանակություն չուներ։ Այնպես որ մենք միշտ մեծ տոնակատարություն էինք կազմակերպում դեկտեմբերին՝ սկսելով Արիանայի օրով, ու ինձ միշտ թվում էր, որ այդ օրը նաև իմ ծննդյան օրն է։

Ես շատ տխուր եմ, որ նա այստեղ չէ, որպեսզի բացի փաթեթավորված թղթերն ու հուզված լինի դրանից։ Սիրելի Արիանա՛, Ես օրհնված եմ Աստծո կողմից, որ նա իմ կյանք է բերել Անիին ով հարգում ու հասկանում է ինձ այս աշխարհում։ Մենք միշտ հիշելու ենք քեզ այն բարի բաների համար, որ դու թողել ես այս աշխարհում։

Սիրում եմ քե՛զ, Լև»,-գրել է Արոնյանը։

Հիշեցնենք, որ Կաոիլին վթարի էր ենթարկվել մարտի 14-ի լույս 15-ի գիշերը Սեբաստիա փողոցում: Lexus-ի ղեկին գտնվող Արիանան կորցրել էր կառավարումը և բախվել բետոնե արգելապատնեշին: Փրկարարներին հաջողվել էր վարորդին մեքենայից դուրս բերել միայն հատուկ տեխնիկայի միջոցով: Տուժածը տեղափոխվել էր Երևանի «Աստղիկ» բժշկական կենտրոն: Չնայած բժիշկների ջանքերին, նրա կյանքը փրկել չհաջողվեց։

Այս թեմայով Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Ջերմ շնորհավորանքներ եմ հղում Ձեզ և Սիրիայի ժողովրդին Սիրիայի ազգային տոնի՝ Անկախության օրվա առթիվ Կարեն Դեմիրճյանն այսօր կդառնար 92 տարեկան Այսօր Նիկոլ Փաշինյանը այցելելու է «Ոսկեպար» Օրվա խորհուրդ. Ապրիլի 17 ՔՊ-ականներ, ձեր սերունդներն ամաչելու են, ինչպես այսօր ամաչում են 1937-ի կլյաուզնիկների հետնորդները. Շարմազանով Ապրիլի 16. Օրվա խորհուրդ «Հրապարակ». Ոսկեպարի Սուրբ Աստվածածին եկեղեցու տեսահոլովակը 2 օրվա ընթացքում 2 մլն-ից ավելի դիտում է ունեցել «Ժողովուրդ». Այսօր հայտնի կդառնա, թե որ երեք դատավորներն են գնում ՄԻԵԴ