Վահան Քերոբյանը հանդիպել է ՀՀ ադամանդագործության եւ ոսկեգործության ոլորտի ներկայացուցիչների հետ

ՀՀ էկոնոմիկայի նախարար Վահան Քերոբյանը դեկտեմբերի 22-ին հանդիպել է Հայաստանի ադամանդագործության եւ ոսկեգործության ոլորտի ներկայացուցիչների հետ։ Հանդիպմանը մասնակցել են նախարարի խորհրդական Գագիկ Մկրտչյանը, արդյունաբերության զարգացման վարչության պետ Արմեն Եգանյանը։ Այս մասին տեղեկացնում է ՀՀ էկոնոմիկայի նախարարության Տեղեկատվության եւ հասարակայնության հետ կապերի վարչությունը։

Ոլորտի ներկայացուցիչները շնորհակալություն են հայտնել նախարարին հանդիպման համար, շնորհավորել պաշտոնում նշանակվելու կապակցությամբ՝ հույս ունենալով,  որ բիզնեսի խնդիրներին ծանոթ լինելու հանգամանքը կնպաստի դրանց արագ եւ արդյունավետ լուծմանը։

Հանդիպման ընթացքում քննարկվել են ոլորտի առաջնահերթ խնդիրները, դրանց լուծման հնարավորությունները եւ առաջիկա անելիքները։

Մասնավորապես՝ քննարկվել են ալմաստի հումքի ձեռք բերման, ոսկերչական իրերի արտահանման, մաքսատուրքերի, ավելացված արժեքի հարկի, Քիմբերլի գործընթացի հավաստագրերի հաշվառման եւ տրամադրման ժամկետների, լիցենզիաների եւ ծանուցումների տրամադրման եւ այլ հարցեր։ Քննարկման առարկա են եղել նաեւ մաքսային ձեւակերպումների, փաստաթղթային ընթացակարգերի պարզեցման եւ  արագացման հարցերը, էլեկտրոնային եղանակով փաստաթղթերի տրամադրման հնարավորությունների զարգացումը։

Կարեւորվել է Հայաստանում ադամանդագործական  ընկերությունների  եւ ոսկերչության ճյուղի ներկայացուցիչների փոխգործակցության հարցը, ոսկերչական արտադրանք պատրաստելիս հայկական արտադրության ադամանդների օգտագործման հնարավորությունը։ Քննարկվել է այնպիսի պայմանների ստեղծման անհրաժեշտությունը, որպեսզի ադամանդագործության եւ ոսկերչության ոլորտները կարողանան օգտագործել միմյանց ներուժը եւ արտադրանքը։

Հանդիպման մասնակիցներն անդադարձել են նաեւ ԵԱՏՄ-ում հարգադրոշմների փոխճանաչման գործընթացին, ադամանդագործության եւ ոսկեգործության ոլորտում իրականացվող ընթացակարգերի ներդաշնակեցմանը։

Ռուսաստանի Դաշնությունից ալմաստի հումքի ներկրման հարցում պետական աջակցության ցուցաբերման հնարավորությունների քննարկման ժամանակ ոլորտի ներկայացուցիչները նշել են, որ հումքի տրամադրման հարցում պետական մակարդակով ռուսական ԱլՌոսա ընկերության, Գոխրանի հետ  բանակցությունները կարող են լինել շատ արդյունավետ։

Անդրադարձ է եղել նաեւ կորոնավիրուսի հետեւանքով ոլորտում առաջացած խնդիրներին,  աշխատատեղերի հարցին։ Արծարծվել են հարցեր, կապված շուկաների ընդլայնման հետ․ որպես համագործակցության հեռանկարային նոր ուղղություն, նախարարն առաջարկել է դիտարկել Իրանի շուկան։

Հանդիպման ավարտին Վահան Քերոբյանը նշել է, որ նման քննարկումները լինելու են շարունակական (դրանք կանցկացվեն նաեւ ոլորտի ընկերություններ այցելությունների շրջանակում) եւ ավելացրել, որ պետք է համատեղ ուժերով փորձել հասկանալ եղած խնդիրները ու, դրանք կարգավորելով՝ առաջ գնալ։

Այս թեմայով Հույս կա, որ այս տարի օտարերկրյա ներդրումների թիվը կհասնի 1 միլիարդին մոտ. Վահան Քերոբյան Ո՞ւր է անհետացել Վահան Քերոբյանի խոստացած լաստանավը․ «Հետք» Առաջ ամեն կարկուտի հետևից վազում էինք, հիմա ապահովագրություն կա․ գյուղացին է որոշում՝ տուժի՞, թե՞ չէ (տեսանյութ) Հայաստանի դերը ԵՏՄ-ում մեծանում է․ Քերոբյան Խաղամոլները վնասում են ՀՀ տնտեսությանը, վատնում իրենց չնչին միջոցները. Վահան Քերոբյան (տեսանյութ) Վահան Քերոբյանին ներկայացրել են ներկայում ցեմենտի դիֆիցիտի պատճառով առաջացած խնդիրները Հայաստանի և Ռուսաստանի միջև առևտրաշրջանառությունը 2022-ի առաջին ութ ամիսներին աճել է 60 տոկոսով Փոխվարչապետը Վահան Քերոբյանին գործուղել է Չեխիա Քերոբյանը «հետաքրքիր» տվյալներ հայտնեց. «Դատարկ տներ կան, կարող են էժան վարկով նորոգել, վարձով տալ» Չնայած մի շարք մարտահրավերների՝ ՀՀ տնտեսությունը չի դադարում զարգանալ․ Վահան Քերոբյան