Րաֆֆի Հովհաննիսյանն արտերկրում սրտի բարդ վիրահատություն է տարել, բժիշկները արգելել են տեղաշարժերը

Հայաստանի Հանրապետության արտաքին գործերի առաջին նախարար, «Ժառանգություն» կուսակցության հիմնադիր նախագահ Րաֆֆի Հովհաննիսյանն արտերկրում սրտի բարդ վիրահատություն է տարել, բժիշկները առժամանակ արգելել են տեղաշարժերը, ուստի հայրենիք վերադառնալ Րաֆֆի Հովհաննիսյանը դեռևս չի կարող: Այս մասին նշվում է «Ժառանգություն» կուսակցության վարչության տարածած հաղորդագրության մեջ՝ ավելացնելով, որ դրանից չի բխում բնավ, թե նա անմասն է ներկայիս ծանրագույն իրադարձությունների կարգավորման ելքերի որոնումից:

«Րաֆֆի Հովհաննիսյանի ողջ կենսագրությունը հայրենիքին, հայոց պետականության կայացմանը անմնացորդ նվիրումի դրսևորում է, որ նա իրագործել է թե՛ որպես ՀՀ առաջին արտգործնախարար, որի օրոք կայացավ Հայաստանի ինքնիշխան պետության ճանաչման գործընթացը, թե՛ կուսակցապետ, պատգամավոր, ապա ՝ՀՀ նախագահի ժողովրդի միասնական թեկնածու, որից խլվեց հաղթանակը, բայց նա գերադասեց արյունահեղության չգնալ, քանզի աթոռը նման գործիչների համար գերնպատակ չէ, նպատակը հանրային խաղաղությունն է, Հայաստանի պետական շահը: ՀՀ ղեկավարի բարձրագույն պաշտոնը բոլոր զբաղեցնողները սովորելու բան ունեն Րաֆֆի Հովհաննիսյանից, որն իր անձնականը միշտ ստորադասել է ազգային շահին: Նրա հիմնած «Ժառանգության» կուսակցությունը ազգային ժողովրդավարության և ազատականության սկզբունքների վրա ուժ է եղել և կա: Ընդ որում, Րաֆֆի Հովհաննիսյանը երբեք միայնակ գործիչ չի եղել, նրա ողջ ընտանիքը ըստ կարելվույն ծառայել է Հայաստանում և Արցախում հայության առջև ծառացած խնդիրների լուծմանը, այսպես՝ Արմինե Հովհաննիսյանի հիմնած «Օրրան» բարեգործական կազմակերպությունն այսօր էլ ուժերի ներածին չափով օժանդակում է Արցախի հայ փախստականների, մեր սահմանամերձ շրջանների, մարզերի անապահով բնակիչների երեխաների խնդիրների լուծմանը»,-նշված է հաղորդագրության մեջ: «Ժառանգություն» կուսակցությունն իր քաղաքական խորհրդի ղեկավարի հետ համախումբ մասնակցում է կործանարար պատերազմից և նոյեմբերի 9-ի խնդրահարույց հայտարարությունից հետո Հայաստանի առջև ծառացած խնդիրների ազգանպաստ և արդյունավետ լուծմանը:

Այս թեմայով Ստամբուլի նահանգապետարանն արգելել է Ցեղասպանության հիշատակի միջոցառման անցկացումը Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Անհուսալի ճանկերից` ասել է թե սրտի տրոմբից, ինձ փրկեցին. Զառա Արամյան Ամոթ ձեզ, թուրքին ճամփա եք բացում. Ոսկեպարում գերլարված վիճակ է, փորձում են արգելել ականազերծումը (տեսանյութ) Կրակոցի ձայներ լսվեց. Ոսկեպարում վիճակը գերլարված է, բնակիչները փորձում են արգելել ականազերծումը (տեսանյութ) Ոսկեպարում՝ վարչապետի հետ հանդիպմանը, արգելել են լուսանկարել կամ տեսագրել Ցավոք սրտի, Հայաստանը միշտ բացակա է․ ֆրանսահայ լրագրողը տեսաուղերձով դիմել է ՀՀ նախկին և ներկա ղեկավարներին «Օրենքով գող» Շաքրո Մոլոդոյը հոսպիտալացվել է սրտի հետ կապված խնդիրների պատճառով ՌԴ շուկա արգելել են մտնի հայկական կաթնամթերքը, բայց իրանցը դրված ա մեր վաճառասեղաններին. Գաբրիելյան Դանակահարություններ՝ Երևանում․ բժիշկները պայքարում են վիրավորների կյանքի համար