Ստյոպա Սաֆարյանը ներողություն կխնդրի լրագրող Թագուհի Ասլանյանից և փոխհատուցում կտրամադրի

Հանրային խորհրդի նախագահ Ստյոպա Սաֆարյանը ներողություն կխնդրի լրագրող Թագուհի Ասլանյանից` հասցրած վիրավորական արտահայտությունների համար և կվճարի 600.000 ՀՀ դրամ փոխհատուցում:  Տեղեկությունը Ֆեյսբուքի իր էջում հայտնել է Թագուհի Ասլանյանի պաշտպան Լուսինե Վիրաբյանը։

«Շնորհակալ եմ դատավոր Զարուհի Նախշքարյանին` արդար դատական ակտ կայացնելու և ամուր նյարդային համակարգ ունենալու համար»,–գրել է փաստաբանը:

Նա պարզաբանել է, որ մասնակի բավարարումը վերաբերվում է փոխհատուցման պահանջին, քանի որ իրենց կողմից ներկայացվել էր 1.000.000 ՀՀ դրամի պահանջ, սակայն բավարարվել է 600.000 ՀՀ դրամը:

Նշենք, որ Ստյոպա Սաֆարյանն արձագանքել է Թագուհի Ասլանյանի հայտնած տեղեկությանը` Ֆեյսբուքի իր էջում գրելով.

«Ինձ անհայտ այս էջի կողմից չճշտված լուր է հրապարակվել, թե իբրև դատավոր Զարուհի Կարենի Նախշքարյանի կողմից մասնակիորեն բավարարվել է իմ դեմ Գառնիկ Իսագուլյանի Լայֆնյուզ կայքի լրագրող Թագուհի Ասլանյանի հայցը։ Հիշեցնեմ, որ անցած տարի սեպտեմբերի 29-ին այս կայքի լրագրողը 5-րդ ալիքի լրագրողի հետ միասին միջոցառման ավարտից հետո ներխուժել էին Միջազգային և անվտանգության հարցերի հայկական ինստիտուտ և հրաժարվում էին դուրս գալ տարածքից։

Գործով նշանակված դատաքննությունն ավարտվել էր, իսկ դեկտեմբերի 4-ին նշանակված էր դատարանի որոշման հրապարակումը, ինչը տեղի չի ունեցել, մեզ հասած տեղեկություններով, դատավորի վատառողջության պատճառով։ Այս պահին դատալեքսում բացակայում է որևէ որոշում։ Սակայն եթե դա իրականություն լինի, ապա աղմուկը համաշխարհային է լինելու ու ցանկանում եմ, որ տիկին դատավորն իմանա դա, պատրաստ լինի հանրությանը ներկայացնել հիմնավորումներ շատուշատ հարցերի վերաբերյալ։ Առայժմ այսքանը։ Ինչպես հասկանում ենք՝ դատական համակարգը լրիվ դուրս եկել օրենքի վերահսկողությունից։ Ասելիք շատ կա ու կասվի։ Որևէ մեկին թող չթվա, թե սրա տակից դուրս են գալու»։

Հիշեցնենք, որ 2019թ–ի հոկտեմբերի 29-ին Միջազգային և անվտանգության հարցերի հայկական ինստիտուտի (ՄԱՀՀԻ)  ղեկավար Ստյոպա Սաֆարյանն ազդարարել էր «Հոկտեմբերի 27-ից 20 տարի անց. հայացք անցյալին, դասեր և մտորումներ» խորագրով քննարկում անցկացնելու մասին։ Նա նաև զգուշացրել էր, որ մուտքը news.am, hayeli.am, 168.am, yerevan today, 7or.am, livenews.am, 5-րդ ալիք ու «Երկիր մեդիա» հեռուստաընկերությունների և այլ քարոզչամիջոցների առջև փակ է: Սակայն, նշված լրատվամիջոցներից որոշները ներկայացել էին և քննարկումից հետո վիճաբանություն էր սկսվել Սաֆարյանի և լրագրողների միջև:

Այս թեմայով Եթե երկրորդ տարբերակի հետ գործ ունենք, ապա ՀՀ իշխանությունները լուրջ բացատրություն պետք է ներկայացնեն․ Ստյոպա Սաֆարյան ՀՀ կառավարություն եմ ուղարկել ՀԽ նախագահի պաշտոնից հրաժարվելու դիմումս․ Ստյոպա Սաֆարյան Մինսկի խմբում ամերիկյան համանախագահության խարանը և ամոթը. Ստյոպա Սաֆարյան Պաշտպանության նախարարն ընդունել է ՀԽ անդամներին՝ Ստյոպա Սաֆարյանի գլխավորությամբ Ստյոպա Սաֆարյանը գերիների իրավունքների ոտնահարումը կանխելու կոչով դիմել է ԵԱՀԿ ՄԽ երկրների դեսպաններին ՌԴ Հանրային պալատը հույս է հայտնել նոր՝ 7-րդ կազմով ևս շարունակել համագործակցությունը ՀՀ Հանրային խորհրդի հետ